ŞHT Samarqand sammiti asosiy majlisi boşlandi

Sammitda Özbekiston prezidenti Şavkat Mirziyoyev kiriş nutqini sözladi.

"Sammitimiz, şubhasiz, tarixiy voqeadir. Bu pandemiya sinovlaridan söng uzoq kutilgan döstlarning yuzma-yuz uçraşuvidir. Bu şaxsiy muloqot, ŞHT mamlakatlarning kelajagini belgilab beruvçi qöşma qarorlar qabul qiliş imkoniyatidir,” - dedi davlat rahbari.

“Bu tadbir Özbekiston raisligida tarixiy Samarqandda ötayotgani biz uçun katta faxrdir. Umid qilamanki, keça Samarqand ruhi va xalqimizning köp yillik tarixiy madaniyati bilan tanişdingiz”, - deya Şavkat Mirziyoyevning sözlarini keltirmoqda Kun.uz muxbiri.

Mirziyoyevga köra, bugungi tadbir doirasida ŞHT davlatlari yetakçilari 40 dan ortiq xalqaro kelişuvlarni imzolaşi közda tutilgan.

Tadbirning qolgan qismi tor doirada davom etmoqda.

ŞHTga kuzatuvçi hamda mehmon sifatida taklif qilingan Belarus, Eron, Mongoliya, Turkiya, Ozarboyjon, Turkmaniston yetakçilari majlisga tadbirning kengaytirilgan qismida qöşiladi.