08:02 / 23.09.2022
1651
Ахборотни ноошкора олиш учун мўлжалланган махсус техник воситалардан фойдаланиш тартиби эълон қилинди

Вазирлар Маҳкамасининг “Ахборотни ноошкора олиш учун мўлжалланган махсус техник ёки дастурий воситалардан фойдаланиш тартиби тўғрисидаги низомни тасдиқлаш ҳақида”ги қарори лойиҳаси эълон қилинди.

Қуйидагиларни назарда тутувчи ахборотни ноошкора олиш учун мўлжалланган махсус техник воситалардан фойдаланиш тартиби тўғрисидаги низом тасдиқланади:

  • ахборотни ноошкора олиш учун мўлжалланган махсус техник воситалар турлари;
  • жисмоний ва юридик шахслар ахборотни ноошкора олиш учун мўлжалланган махсус техник воситалардан фойдаланиш тартиби;
  • жисмоний ва юридик шахслар ахборотни ноошкора олиш учун мўлжалланган махсус техник воситалардан фойдаланиш жараёнидаги мажбуриятлари;
  • ахборотни ноошкора олиш учун мўлжалланган махсус техник воситалардан қонунга хилоф равишда муомаласига йўл қўйилган тақдирда уларни олиб қўйиш, сақлаш ва йўқ қилиш тартиби.

Низом “Тезкор-қидирув фаолияти тўғрисида”ги қонунида белгилаб берилган тезкор-қидирув фаолиятини амалга ошириш, ушбу фаолиятни амалга оширишга кўмаклашиш жараёнига ҳамда тезкор-қидирув тадбирларида иштирок этаётган жисмоний ва юридик шахсларга нисбатан татбиқ қилинмайди.

Ахборотни ноошкора олиш учун мўлжалланган махсус техник воситалар турлари:

  • акустик маълумотларни ноошкора олиш учун мўлжалланган махсус техник воситалар:
  • акустик ахборотни ноошкора қабул қилиш ва (ёки) қайд этиш учун мўлжалланган ниқобланган симли алоқа тизимлари;
  • акустик маълумотларни ноошкора қабул қилиш ва (ёки) қайд этиш учун мўлжалланган ниқобланган радиоэлектрон қурилмалар;
  • акустик маълумотларни ноошкора қабул қилиш ва (ёки) қайд этиш учун мўлжалланган ниқобланган электрон қурилмалар;

визуал маълумотларни ноошкора олиш учун мўлжалланган махсус техник воситалар:

  • асосий қисми яширилиб, тасвирга олувчи қисми (нуқтаси) туйнук орқали ташқарига чиқарилган (pin - hole) объективлар;

қуйидаги хусусиятлардан камида биттасига эга камералар:

  • уй-рўзғор буюмлари ёки бошқа буюмлар сифатида ниқобланган, асосий қисми яширилиб, тасвирга олувчи қисми (нуқтаси) туйнук орқали ташқарига чиқарилган (pin - hole) фотокамералар;
  • уй-рўзғор буюмлари ёки бошқа буюмлар сифатида ниқобланган, асосий қисми яширилиб, тасвирга олувчи қисми (нуқтаси) туйнук орқали ташқарига чиқарилган (pin - hole) телевизион ва видеокамералар;
  • видеомаълумотларни ноошкора қабул қилиш ва (ёки) қайд этиш учун мўлжалланган ниқобланган симли алоқа тизимлари;
  • видеомаълумотларни ноошкора қабул қилиш ва (ёки) қайд этиш учун мўлжалланган ниқобланган радиоэлектрон қурилмалар;
  • видеомаълумотларни ноошкора қабул қилиш ва (ёки) қайд этиш учун мўлжалланган ниқобланган электрон қурилмалар;

телефонлар ва бошқа телекоммуникация қурилмалари орқали узатиладиган ахборотни олиш учун мўлжалланган махсус техник воситалар:

  • техник алоқа каналларидан ва бошқа телекоммуникация қурилмалари орқали узатилаётган ахборотларни ноошкора олиш ва (ёки) тутиб қолиш имкониятини берувчи симли алоқа тизимлари;
  • техник алоқа каналларидан ва бошқа телекоммуникация қурилмалари орқали узатилаётган ахборотларни ноошкора олиш ва (ёки) тутиб қолиш имкониятини берувчи радиоэлектрон қурилмалар;
  • техник алоқа каналларидан ва бошқа телекоммуникация қурилмалари орқали узатилаётган ахборотларни ноошкора олиш ва (ёки) тутиб қолиш имкониятини берувчи электрон қурилмалар;
  • почта, курьерлик жўнатмалари ва телеграф хабарларини назорат қилиш ва (ёки) ўқиш ва (ёки) нусхалаш ва (ёки) очиш учун мўлжалланган иммерсион суюқликлар тўплами, портатив рентгеноскопик қурилмалар ҳамда махсус ускуналар;
  • буюм ва ҳужжатларни ноошкора тадқиқ қилиш учун ноошкора сканерлаш орқали маълумот тўплаш имконини берувчи, кичик ҳажмли, кўчма рентгеноскопик, рентгенотелевизион ва рентгенографик ускуналар;
  • иншоот, транспорт воситалари ва бошқа объектларга ноошкора кириш ва текшириш учун мўлжалланган махсус воситалар:
  • иншоот, транспорт воситаси ёки бошқа объектларга ноошкора кириш учун қулфларини (ёки бошқа тўсиқларини) очишга мўлжалланган махсус воситалар (отмичка);
  • иншоот, транспорт воситаси ёки бошқа объектларни ноошкора текшириш учун мўлжалланган кичик ҳажмли рентгеноскопик, рентгенотелевизион ва рентгенографик ускуналар;
  • транспорт воситаларини ёки бошқа ҳаракатланувчи объектларни ноошкора кузатишга мўлжалланган махсус воситалар:
  • автотранспорт воситалари ёки бошқа объектларининг ҳаракат йўналишини (маршрутини) аниқловчи ва (ёки) қайд этувчи ниқобланган радиоузатиш ва радиопеленгациядан иборат тизимлар;
  • автотранспорт воситалари ёки бошқа объектларни жойлашган жойини назорат қилувчи, улар географик координаталарини GPS типидаги сунъий йўлдош радионавигация тизимлари орқали аниқлашга мўлжалланган ниқобланган қурилмалар ҳамда ушбу қурилмаларни масофадан бошқариш ва маълумотларни радиоканал орқали узатиш имконини берувчи аппаратдан иборат тизимлар;

ахборотни сақловчи, қайта ишловчи ва (ёки) узатувчи техник воситаларидан маълумотларни ноошкора равишда олишга (ўзгартириш, йўқ қилиш) мўлжалланган махсус техник воситалар:

  • электрон ҳисоблаш техникалари, модемлар ва бошқа электрон қурилмаларга жойлаштирилиб, улардаги маълумотларни узатувчи ва (ёки) қайд қилувчи махсус сигналли радиоузатгичлар;
  • компьютер ва компьютер тизимидан чиқаётган зарарли тўлқинларни назорат ва таҳлил қилиш имконини берувчи техник ускуналар;
  • дисклар, электрон ахборот ташувчи қурилмалардан маълумотларни тезкорлик билан кўчириб олиш ёки уларни шикастлаш (йўқ қилиш) имконини берувчи махсус ускуналар.   
Top