13:49 / 23.09.2022
13781
Ўзбекистон миллий жамоаси ўртоқлик баҳсида Камерунни мағлуб этиб, ғалабали сериясини 7та ўйинга етказди
Фото: ЎФА

Жанубий Кореяда йиғин ўтказаётган Ўзбекистон миллий жамоаси ЖЧ-2022 қатнашчиси саналган Камерун билан ўртоқлик баҳсини ўтказиб, ҳар икки бўлимда биттадан гол уриб ишончли ғалабага эришди. 

Биринчи бўлимда Элдор Шомуродовнинг узатмасидан сўнг Ҳожимат Эркинов ҳисобни очган бўлса, иккинчи бўлимда Одил Ҳамробековнинг узатмасини Остон Ўрунов голга айлантирди. 

Шу тариқа Сречко Катанец жамоаси кетма-кет 7-ғалабани қўлга киритди. «Оқ бўрилар» 2022 йилдаги барча ўйинда ғолиб бўлишди. 

Ўзбекистон 27 сентябрда мундиалда қатнашадиган яна бир жамоа Коста-Рика билан баҳс юритади. 

Ўртоқлик ўйини
Ўзбекистон — Камерун 2:0
23 сентябрь. «Гойанг» стадиони

Голлар: Ҳожимат Эркинов (25), Остон Ўрунов (77).
Ўзбекистон: Ўткир Юсупов, Рустам Ашурматов (Абдулла Абдуллаев, 66), Умар Эшмуродов, Ҳусниддин Алиқулов, Фаррух Сайфиев, Отабек Шукуров, Одил Ҳамробеков, Ҳожиакбар Алижонов, Ойбек Бозоров (Шаҳбоз Умаров, 59), Элдор Шомуродов (Игорь Сергеев, 87), Ҳожимат Эркинов (Остон Ўрунов, 59).
Камерун —  Андре Онана, Николя Нкулу, Жан Шарль Кастеллетто (Кристофер Вух, 46), Энцо Эбоссе, Оливье Нчам (Жан Эмиль Онана, 74), Нуху Толо, Жорж Манжек (Малонг Кунде, 63), Коллинс Нгоран Фаи, Моуми Брис Нгамалеу (Мбида Нкуду, 74), Венсан Абубакар (Жан-Пьер Нсаме, 74), Брайан Мбеумо.
Огоҳлантиришлар: Отабек Шукуров (53), Жорж Манжек (62), Кристофер Вух (82), Остон Ўрунов (87).

Top