MDH davlat rahbarlari kengashi raisligi Qirg‘izistonga berildi 

Ostona shahrida Mustaqil Davlatlar Hamdo‘stligi (MDH) davlat rahbarlari kengashining tor doiradagi majlisida 2023 yilda tashkilotga raislik masalasi ko‘rib chiqildi.

Delegatsiya rahbarlari raislikni Qirg‘izistonga, hamraislikni esa Rossiya va Qozog‘istonga o‘tkazishga qaror qildi.

Qirg‘iziston taklifiga ko‘ra, MDH davlat rahbarlari kengashining navbatdagi majlisini 2023 yil 13 oktabr kuni Bishkek shahrida o‘tkazish to‘g‘risida qaror qabul qilindi.

Eslatib o‘tamiz, O‘zbekiston Respublikasi MDH asoschilaridan biri hisoblanadi. 2020 yilda MDH davlat rahbarlari kengashiga O‘zbekiston prezidenti Shavkat Mirziyoyev raislik qilgan edi.