O‘zbekiston va Buyuk Britaniya o‘rtasidagi o‘zaro hamkorlikni mustahkamlash muhokama qilindi.
O‘zbekiston bosh vaziri o‘rinbosari - investitsiyalar va tashqi savdo vaziri Jamshid Xo‘jayev Buyuk Britaniya va Shimoliy Irlandiya Birlashgan Qirolligining O‘zbekistondagi elchisi Timoti Torlot bilan uchrashuv o‘tkazdi.
Suhbat davomida ikki tomonlama hamkorlik doirasida erishilgan muvaffaqiyatlar hamda investitsiyaviy va savdo-iqtisodiy sohalardagi hamkorlikni kengaytirish istiqbollari muhokama qilindi.
O‘zbekistonda Britaniya kompaniyalarining qishloq xo‘jaligi, farmatsevtika, to‘qimachilik, IT va yashil iqtisodiyot kabi sohalarda investitsiya faolligini kengaytirish istiqbollari ko‘rib chiqildi. Investitsiya muhitini yaxshilash, loyihalarni amalga oshirish samaradorligini yuksaltirish va O‘zbekiston investitsiyaviy jozibadorligi bo‘yicha uzoq muddatli strategiyani ishlab chiqishga doir qo‘shma amaliy chora-tadbirlar ko‘rishga o‘zaro tayyorlik bildirildi.
Mintaqaviy hamkorlikni mustahkamlash imkoniyatlari alohida muhokama qilindi. Savdo va investitsiyalar, transport va kommunikatsiyalar, energetika sohasida hamkorlikni rivojlantirish hamda Orolbo‘yi mintaqasida ekologik inqiroz salbiy oqibatlarini yumshatish uchun C5+1 formatidagi muloqotni faollashtirish zarurligi ta’kidlandi.
