Foto: Kun.uz
“2022-2023 yillarda Toshkent shahri Shayxontohur tumanini kompleks ijtimoiy-iqtisodiy rivojlantirish chora-tadbirlari to‘g‘risida”gi hukumat qarori loyihasi e’lon qilindi.
Quyidagilarni o‘z ichiga olgan 2022-2023 yillarda Shayxontohur tumanini kompleks ijtimoiy-iqtisodiy rivojlantirish chora-tadbirlari dasturi tasdiqlanadi:
- 2022-2023 yillarda Shayxontohur tumanini kompleks ijtimoiy-iqtisodiy rivojlantirish chora-tadbirlari dasturi maqsadli parametrlari va moliyalashtirish manbalari;
- 2022-2023 yillarda Shayxontohur tumanida sanoat, xizmat ko‘rsatish va servis sohalarida amalga oshiriladigan loyihalar manzilli ro‘yxati;
- 2022-2023 yillarda Shayxontohur tumanida yo‘l-transport va muhandislik-kommunikatsiya infratuzilmasini yaxshilash va obodonlashtirish bo‘yicha chora-tadbirlar;
- 2022-2023 yillarda Shayxontohur tumanida ijtimoiy soha obektlarini qurish, rekonstruksiya qilish hamda mukammal ta’mirlash chora-tadbirlari.
Quyidagilar dastur asosiy ustuvor yo‘nalishlari etib belgilanadi:
- Shayxontohur tumanini ijtimoiy-iqtisodiy jihatdan yanada rivojlantirish, aholi, xotin-qizlar, yoshlar va kam ta’minlangan fuqarolar bandligini ta’minlash orqali ular daromadlari va turmush darajasini oshirish;
- kichik va oilaviy tadbirkorlikni yanada rivojlantirish uchun qulay shart-sharoitlar yaratish;
- yangi ishlab chiqarish quvvatlarini tashkil etish, mavjud ishlab chiqarish quvvatlarini modernizatsiya qilish bo‘yicha qo‘shimcha investitsiya loyihalarini amalga oshirish;
- sanoat va xizmatlar ko‘rsatish yo‘nalishidagi tadbirkorlik sub’yektlarini hamda ishlab chiqarish hajmlarini ko‘paytirish orqali soliq bazasini kengaytirish;
- muhandislik-kommunikatsiya va ijtimoiy infratuzilmani rivojlantirish, aholini toza ichimlik suv, tabiiy gaz va elektr energiyasi bilan ta’minlash darajasini oshirish;
- ijtimoiy soha obektlari holatini yaxshilash, binolarini ta’mirlash, jihozlarini yangilash, hududlarini obodonlashtirish.
