O‘zbekiston Eronga AKT va blokcheyn xizmatlarini sotish bo‘yicha shartnoma imzoladi

«Yashnobod» innovatsion texnoparki rezidenti AQL EGALARI MChJ Eronning Amnpardaz Soft Coperation kompaniyasiga AKT va blokcheyn xizmatlarini sotish bo‘yicha shartnoma imzoladi.

Foto: Dunyo

Yaqinda o‘tkazilgan InnoWeek.uz-2022 Xalqaro innovatsion g‘oyalar haftaligi doirasida Eronning Amnpardaz Soft Coperation kompaniyasi va «Yashnobod» innovatsion texnoparki rezidenti AQL EGALARI MChJ o‘rtasidagi 1,5 million AQSh dollariga teng investitsiyaviy kelishuv imzolandi.

Amnpardaz Soft Coperation kompaniyasi 2005 yildan beri Eronda veb-dasturiy ta’minotlar kiberxavfsizligi bo‘yicha ishlab kelayotgan, eng so‘nggi antivirus dasturiy tizimlariga ega mamlakatdagi yirik IT-xolding tuzilmasi hisoblanadi. 200 dan ortiq yetakchi dasturchilar guruhidan iborat kompaniya yillik mablag‘ aylanmasi 2 milliard dollarni tashkil etadi.