“Standartlashtirish to‘g‘risida”gi qonun prezident tomonidan imzolandi.
O‘zbekiston milliy standartlashtirish tizimini quyidagilar tashkil etadi: Investitsiyalar vazirligi huzuridagi Texnik jihatdan tartibga solish agentligi; Standartlashtirish bo‘yicha milliy organ; davlat va xo‘jalik boshqaruvi organlari; standartlashtirish bo‘yicha texnik qo‘mitalar.
Standartlashtirish asosiy vazifalaridan biri fuqarolar hayotini, sog‘lig‘ini va mol-mulkini hamda atrof-muhitni muhofaza qilishdan iborat.
Standartlashtirish rejasi quyidagi muddatli istiqbol uchun qabul qilinishi mumkin: qisqa (1 yilgacha); o‘rta (1 yildan 5 yilgacha); uzoq (5 yildan 10 yilgacha).
Standartlar yagona axborot bazasi standartlashtirish bo‘yicha milliy organ tomonidan shakllantiriladi va yuritiladi.
Standartlarning toifalari jumlasiga quyidagilar kiradi: milliy standartlar; xalqaro (mintaqaviy) standartlar; xorijiy mamlakatlar standartlari.
Qonun 12 oy o‘tgach kuchga kiradi.
