“Davlat fuqarolik xizmatchisi bilan tuziladigan mehnat shartnomasiga doir namunaviy talablarni tasdiqlash to‘g‘risida”gi hujjat loyihasi e’lon qilindi.
Namunaviy talablar ish beruvchi hamda davlat fuqarolik xizmatchisi o‘rtasida tuziladigan mehnat shartnomasiga doir talablarni belgilaydi.
Davlat fuqarolik xizmatiga kirayotgan shaxs bilan mehnat shartnomasi mehnat qonunchiligi asosida yozma shakllarda tuziladi. Davlat fuqarolik xizmati lavozimlari siyosiy guruhiga kiruvchi davlat fuqarolik xizmatchilari bilan mehnat shartnomasi tuzilmaydi. Mehnat shartnomasida davlat fuqarolik xizmatini o‘tash asoslari va shartlari, davlat fuqarolik xizmatchisi huquqlari, majburiyatlari hamda javobgarligi, davlat fuqarolik xizmatini o‘tash bilan bog‘liq cheklovlar, uni huquqiy va ijtimoiy jihatdan himoya qilishga taalluqli qoidalar ko‘rsatiladi.
Mehnat shartnomasi nomuayyan muddatga va besh yildan ko‘p bo‘lmagan muayyan muddatga tuziladi. Quyidagilar mehnat shartnomasi tomonlari hisoblanadilar: ish beruvchi – davlat fuqarolik xizmati tatbiq qilinadigan davlat organlari va tashkilotlari rahbarlari; xodim – davlat fuqarolik xizmati lavozimini egallayotgan shaxs.
Quyidagilar mehnat shartnomasi zarur shartlari hisoblanadi:
- xizmatni o‘tash ish joyi – davlat fuqarolik xizmatchisi shartnomada shart qilib ko‘rsatilgan mehnat vazifasiga ko‘ra mehnat faoliyatini amalga oshiradigan joy;
- ish boshlanish sanasi;
- egallanayotgan davlat fuqarolik xizmati lavozimi to‘liq nomi;
- davlat fuqarolik xizmatini o‘tash asoslari;
- davlat fuqarolik xizmatchisi tomonidan davlat fuqarolik xizmatini o‘tash o‘ziga xos xususiyatlari;
- tomonlar huquqlari, majburiyatlari hamda javobgarligi;
- davlat fuqarolik xizmatini o‘tash bilan bog‘liq cheklovlar;
- davlat fuqarolik xizmatchisi ish va dam olish vaqtlari;
- davlat fuqarolik xizmatchisi mehnatiga haq to‘lash va xizmatiga nisbatan qo‘shimcha rag‘batlantirish shartlari;
- davlat fuqarolik xizmatchisi rotatsiya qilish shartlari;
- davlat fuqarolik xizmatchisi intizomiy javobgarligi;
- davlat fuqarolik xizmatchisini huquqiy va ijtimoiy jihatdan himoya qilish;
