10:45 / 25.11.2022
76471

Ulug‘nordagi maktabda o‘quvchi o‘qituvchini urdi

«Bezori» qiz 7-sinf o‘quvchisi. U stol ustidan sakrab o‘tib, o‘qituvchini tepgan.  

Foto: Vid

Ijtimoiy tarmoqlarda Andijon viloyatidagi maktablardan birida o‘quvchi qiz boshqa sinfxonadagi darsga xalal berib, o‘qituvchiga hujum qilgani aks etgan video tarqaldi. Andijon viloyat IIB xabariga ko‘ra, bu holat Ulug‘nor tumani, «Mingchinor» MFYda joylashgan 17-sonli umumta’lim maktabida sodir bo‘lgan.

Videoda o‘qituvchi 7-sinf o‘quvchisi bo‘lgan qizga tanbeh bergani, shundan so‘ng ular o‘rtasida tortishuv yuzaga kelganini ko‘rish mumkin.

Tortishuv janjalga aylanib, qiz stol ustidan sakrab oshib o‘tadi va o‘qituvchini tepadi. Boshqa o‘qituvchilar ularni ajratib qolishgan.

Bahs nimadan kelib chiqqani hozircha ma’lum qilinmadi.

«Hozirda mazkur holat yuzasidan surishtiruv ishlari olib borilmoqda. Vaziyatga to‘laligicha oydinlik kiritilib, huquqiy baho berilishi ta’minlanadi», – deyiladi IIB xabarida.

Top