Qoʻshimcha funksionallar
-
Tungi ko‘rinish
Dam olish kunlari sovuq antitsiklon ta’siri saqlanib turadi
1 dekabrdan O‘zbekiston hududiga G‘arbiy Qozog‘iston orqali Ural hududlari ustida shakllangan sovuq havo massasi kirib keldi. Keyingi kunlarda sovuq havo kirib kelishi respublika barcha hududlariga tarqaladi.
“O‘zgidromet” xabariga ko‘ra, bugun O‘zbekiston bo‘yicha yog‘ingarchilik kutilmaydi, faqat tog‘oldi va tog‘li hududlarda asosan qor ko‘rinishidagi yog‘ingarchilik bo‘ladi. Respublika eng janubiy qismi ba’zi joylarida biroz yomg‘ir yog‘ishi mumkin. Kunduzi havo harorati 0-5 daraja iliq, shimolda 2-5 daraja sovuq atrofida bo‘ladi.
Sovuq antitsiklon ta’siri dam olish kunlari ham saqlanib turadi. Havo harorati kechalari 2-7 daraja sovuq, kunduz kunlari 0-5 daraja iliq, shimolda kechalari 10-13 daraja sovuq, ba’zi joylarda 15-17 daraja sovuqqacha, kunduz kunlari 2-7 daraja sovuq atrofida bo‘ladi.
Respublika barcha hududlarida kuchsiz shamol bilan quruq ob-havo bo‘lishi kutilmoqda.
