Turli manbalar qurbonlar soni haqida o‘z ma’lumotlarini taqdim etgan. NBC telekanali xabariga ko‘ra, 41 nafar amerikalik qahraton sabab halok bo‘lgan.
12 ta shtatda o‘lim holati qayd etilgan, xususan, Nyu-Yorkda ham. Shtatdagi Eri okrugining o‘zida 12 kishi o‘lgan. Jasadlar mashina ichida, ko‘chalarda, uylarda topilmoqda. Qurbonlar orasida 93 yoshli qariya ham bor. Buffalo Niagara aeroporti 27 dekabrgacha yopilgan.
23 dekabrdan buyon hukm so‘rayotgan qahraton AQSh tarixida kuzatilmagani aytilmoqda. Joylarda havo harorati -48 darajagacha sovib ketgan. Hozirgacha 12 mingdan ortiq aviareyslar bekor qilingan.
