2022 yilgi Comedy Wildlife Photography Awards tanlovi g‘oliblari e’lon qilindi. Tanlovga yovvoyi tabiat qo‘ynidagi hayvonlarning eng kulgili holatlari ko‘rsatilgan suratlar taqdim etildi.
Birinchi o‘rinni daraxtdan o‘ng‘aysiz qulagan uch oylik sher bolasi surati egalladi. Fotosuratchi Jyennifer Xedli kichkina sher birinchi marta daraxtga chiqdi, deb taxmin qilgan. “Sher bolasi yerga qulaganidan keyin yaxshi ahvolda edi. U o‘rnidan turib, boshqa sher bolalarining oldiga yugurdi”, — deydi fotograf.
Jan-Jak Alkalay “Afrikaning noto‘g‘ri qarashlari” (Misleading African Viewpoins) fotosuratini oldi, unda esnayotgan begemot va laylak tasvirlangan.
Arturo Telle Tiyemann kulgili ko‘rinishga ega bo‘lgan baliqni suratga oldi, baliq bunga javoban uning kamerasini tirnab oldi.
Comedy Wildlife Photography Awards mukofoti sovrindori Xedli pingvinlar bilan yana bir quvnoq surat oldi va suratga “Qo‘ng‘iroqqa gapir!” deb nom berdi.
Hindistonlik Arshdeep Singx ko‘z qisib turgan boyo‘g‘lini suratga oldi.
Jia Chen “futbol o‘ynaydigan” qirg‘iyni ko‘rsatmoqda.
Britaniyalik Maykl Isvell Avstraliyadagi Keyp-Xilsboro milliy bog‘iga bordi va ajoyib tomoshaga guvoh bo‘ldi.
“Men Florida plyajida qisqichbaqalar bilan oziqlangan yenotni suratga oldim. U menga shunday minnatdorchilik bildirdi”, — deydi Miroslav Srb.
Italiyalik Federika Vinchi tanlovga “Maymun sog‘lomlashtirish markazi” nomli suratini taqdim etdi.
Emmanuel Du Lin Sang o‘z suratida Janubiy Afrikadagi qo‘riqxonadagi meerkatlarni ko‘rsatib, ular o‘rtasida haqiqiy tajovuz yo‘qligini ta’kidladi.
AQShlik Rayan Sims toshbaqalar ustidan yurib o‘tayotgan o‘rdak bolasini rasmga olishga muvaffaq bo‘ldi, toshbaqalar suv ustidagi yog‘ochni egallab, jonli ko‘prik hosil qilgan.
Folklend orollarida Martin Greys ikki imperator pingvinini suratga olgan. Rasmni “Tinchlaning va boshingizni saqlang” deb nomlagan.
Comedy Wildlife Photography tanlovi yetti yildan beri o‘tkazib kelinmoqda. Unda ham professional, ham havaskor fotosuratchilar ishtirok etishi mumkin.
