Habib Nurmagomedov MMAdan butunlay ketdi

Nurmagomedov bilan birga tushgan suratini o‘z sahifasiga joylagan Zaurov shunday deb yozdi: «U sportdan ketdi, lekin sport uni hech qachon tark etmaydi».

Habib Nurmagomedov 2020 yildan buyon jang qilmayapti, u oxirgi marta amerikalik Jastin Geydji bilan jang qilib g‘alaba qozongandi. Dog‘istonlik atlet o‘zi o‘tkazgan barcha janglarida g‘alaba qozongan va professional faoliyatini mag‘lubiyatsiz yakunlagandi.

Nurmagomedov ustozi va otasi Abdulmannob Nurmagomedov vafotidan keyin ortiq jang qilmaslikka qaror qilganini aytgandi. «Geydji bilan jang faoliyatimdagi oxirgisi bo‘lishi haqida onamga so‘z bergandim va bu so‘zimning ustidan chiqishim kerak», degandi sportchi.

Shundan keyin Nurmagomedov aralash jang musobaqalarida murabbiylik va tashkilotchilik bilan shug‘ullandi. Endilikda esa ko‘proq vaqtini oilasiga ajratmoqchi ekanini aytgan sportchi MMAdan butunlay ketgani ma’lum bo‘ldi.