O‘zbekiston Kosta-Rikadan ananas importi hajmini oshirdi

2022 yilning yanvar-noyabr oylarida O‘zbekistonga 685,1 tonna ananas import qilingan. 

Davlat statistika qo‘mitasi ma’lumotlariga ko‘ra, ananas importi hajmi o‘tgan yilning mos davri bilan solishtirilganda 31,4 tonnaga oshgan.

2022 yilning 11 oyida O‘zbekiston eng ko‘p ananas import qilgan davlatlar orasida Kosta-Rika birinchi o‘rinni egalladi – 258,7 tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qozog‘iston – 155,6 tonna; 
• Xitoy – 126,5 tonna;
• Ekvador – 84 tonna;
• Turkiya – 28 tonna;
• Niderlandiya – 21 tonna.