"Xizmat maksimal darajada samarali va onlayn-biznes uchun oson bo‘lishi kerak" - Freedom Pay rahbari elektron to‘lov tizimlarini rivojlantirish haqida

O‘zbekiston elektron tijorat bozorining bu yilgi hajmi 260 mln AQSh dollaridan yuqori bo‘lishi kutilmoqda. Bu esa o‘z navbatida, ko‘rsatkichlar o‘tgan yilgidan ancha yuqoriligini bildiradi. Mutaxassislar esa uch yildan so‘ng e-commerce bozori uch karra oshishini ta’kidlashmoqda. To‘lov tizimining keng tarqalishi bilan birga elektron tijorat ham rivojlanib bormoqda. Mijozlar uchun bu – qulaylik va vaqtni unumli tejash bo‘lsa, biznes uchun rivojlanish yo‘lida yangi imkoniyatlar demakdir. Freedom Pay’ning B2B to‘lov xizmati biznesni oddiy yechimlar bilan keng miqyosda tarqalishiga yordam beruvchi ekotizimni shakllantiradi. Xizmatning O‘zbekistondagi faoliyati haqida kompaniya bosh direktori Umida Ziyamova bilan suhbatlashdik.

Bilamizki, Freedom Pay xalqaro Freedom Holding Corp. kompaniyasi ekotizimining bir qismidir. Bu sizning ish faoliyatingiz hamda mijozlar bilan ishlashingizga o‘z ta’sirini o‘tkazadimi?

– Freedom Holding Corp. – bu bank, vositachilik, sug‘urta va bir qator boshqa bizneslarni o‘z ichiga oluvchi xalqaro holding. Biz hamkorlikda mahsulotlarni yaratishdan tashqari, brendni kuchaytirish hamda eng yaxshi amaliyot va tajribalarimizni bo‘lishish uchun holdingning boshqa shirkatlari bilan uzviy aloqada bo‘lib turamiz. Freedom Pay Qozog‘istonning peshqadam onlayn-to‘lov tizimlaridan biri bo‘lib, Qirg‘iziston va O‘zbekistonda ham jadal rivojlanib kelmoqda.

Dunyo miqyosidagi kompaniya sifatida texnik imkoniyatlarimiz, hamda rivojlangan xalqaro tajribamiz bizni anchayin epchil va raqobatbardosh bo‘la olishimizga yordam beradi. Ta’kidlashim kerakki, mamlakatimizda yangi loyihalarni amalga oshirish uchun hamkasblarimiz, xususan, IT-dasturchilarni jalb qilamiz. Jamoamizning professional salohiyatiga tayangan holda biz biznesimizni jadal rivojlantiramiz.

So‘zsiz ushbu muhim omillar bizga bo‘lgan ishonchning ortib borishiga o‘z ta’sirini ko‘rsatadi. Kompaniyaning ahamiyatli tomonlaridan biri bu — yaxlit holga keltirilgan tuzilma va geografik diversifikatsiyasidir. Buning natijasida tashqi omillarga bo‘lgan tobelik kamayadi. Misol uchun, Qozog‘iston yoki Qirg‘izistondagi mijozlarimiz O‘zbekiston bozoriga kirib kelishni niyat qilishsa, hech ikkilanmay, Freedom Pay’ni tanlashadi. Chunki bizda nafaqat o‘zaro ishonch, balki xalqaro kompaniyalar amal qiladigan yuqori standartlar ham mavjud. Biz shu yo‘l bilan Wildberries, Dodo Pizza, Atomy kabi bir qator mashhur kompaniyalar bilan ish olib boramiz. Turli to‘lov kartalari bo‘yicha xizmat ko‘rsatishimiz tufayli ularning ishini osonlashtirishda ko‘maklashamiz.

Freedom Pay’ning afzalliklari nimada?

– Freedom Payְ’ning raqobatchilaridan ustunligi shundaki, u yuqori talabga ega bo‘lgan xalqaro kartalardan to‘lov qabul qilinishini ta’minlaydi. Bu yo‘l bilan biznes o‘z faoliyat doirasini kengaytirish bilan birga, butun dunyodan buyurtma qabul qila oladi. Bundan tashqari, biz e’tiboringizga multiekvayring havola qilamiz. Hamkorlarimiz ekvayyer-banklar O‘zbekistondagi eng yirik va ishonchlilardan hisoblanadi. Biz mijozni yo‘qotmaslik qanchalik muhim ekanini tushunamiz. Bu biznesning rivojlanishi, o‘rtacha hisob va konversiyani oshirishning kafolatidir.

Shuningdek, jarayonda texnik jihatlarni ham unutmaslik zarur. Qulay va funksional platforma mijozlarni boshqa yo‘nalishga olib ketmaydi, to‘lov jarayoni mijoz saytida olib borilishi esa u bilan bo‘ladigan muloqot rivojiga hissa qo‘shadi. Biz bir maqsadga tayandik – xizmat maksimal darajada samarali va onlayn-biznes uchun oson bo‘lishi kerak. Moliyaviy texnologiyalar sohasi va naqd pulsiz to‘lovlarning rivojlanishi biznes uchun mutlaqo yangi imkoniyatlarni ochib berdi. Tadbirkorlar ham bu o‘zgarishlarga faol javob berishmoqda. Bu Freedom Payʼning hamkorlari sonidan ham yaqqol ko‘rinib turibdi. Ular orasida o‘z xizmatlarini chet elga eksport qilayotgan hamda xalqaro kartalar orqali to‘lovlarni bizning to‘lov tizimimizda amalga oshirayotgan kompaniyalar ham mavjud. To‘lov usulining qulayligi tufayli oyiga 15 milliondan ortiq tranzaksiyalarni amalga oshirmoqdamiz.

 Onlayn to‘lovlar qanchalik xavfsiz?

- Tajribalar shuni ko‘rsatadiki, aynan onlayn-biznes sohasida axborot xavfsizligi juda muhim rol o‘ynaydi. Biz to‘lovni xalqaro to‘lov tizimining qat’iy qoidalariga rioya qilgan holda amalga oshiramiz. Bunga PCI DSS’ning barcha mezonlariga amal qiluvchi sertifikatimiz dalil bo‘la oladi. Ushbu mezonlar Visa, MasterCard, American Express, JCB va Discover kabi xalqaro to‘lov tizimlari tomonidan ta’sis qilingan.

Bundan tashqari, biz mijozimizning biznesini himoya qilishda o‘zimizning SecureBox antifrod-yechim (firibgarlikka qarshi)dan foydalanamiz. Ushbu avtomatlashtirilgan antifrod-tizim orqali to‘lov amalga oshirilmasdan avval firibgarlik faoliyatini aniqlash va uning oldini olish mumkin. Tizim talab va da’vo ishlari bilan bog‘liq bo‘lgan xalqaro to‘lov tizimi  tomonidan shikoyat hamda noroziliklar sonini sezilarli darajada kamaytiradi. Sodir bo‘lishi mumkin bo‘lgan har qanday xavf va moliyaviy yo‘qotishlarning oldini olish uchun onlayn to‘lovlarni chuqur tahlil qilish imkonini beradi. Eng muhimi onlayn to‘lovlar bozorida faoliyatga to‘sqinlik qiladigan mavqega ta’sir ko‘rsatuvchi xavflarni kamaytirishga ko‘maklashadi. Bundan tashqari, Freedom Pay mijozlari 24/7 davomida kompaniyaning qo‘llab-quvvatlash xizmatiga murojaat qilishlari mumkin.  

Qanday qilib to‘lov tizimi biznes rivojiga o‘z ta’sirini o‘tkazishi mumkin?

– Yaxshi tashkil etilgan to‘lov xizmati pulingizni tejashga, moliyaviy boshqaruvni soddalashtirishga va hatto mijozlar bazasini kengaytirishga ham yordam beradi. Misol uchun, ko‘pgina kompaniyalar marketpleys yoki to‘lov tizimiga joylashayotganda mijozlarni jalb qilish va saqlab qolishning eng samarali vositasi — veb-saytlarini e’tibordan chetda qoldiradi. Bugungi kunda UZ domenida ro‘yxatdan o‘tgan 110 ming saytdan 1,2 foizigina sotuv vitrinasi yoki to‘lov amalga oshirish imkoniyatiga ega. Qolganlari esa shunchaki tashrif qog‘ozlar sayti.

Bizning yechimimiz kompaniya sahifasida har qanday qurilmaga moslashtirilgan sotuv vitrinasini yaratishga yordam beradi. Shu bilan birga, to‘lov vidjyeti mijoz uchun brendlashtiriladi. Bu esa mijozlar ishonchining yanada oshishiga sabab bo‘ladi.

Nima deb o‘ylaysiz, bugungi kunda O‘zbekistonda elektron to‘lov tizimining rivojlanishi uchun qanday omillar zarur?

 — Bu borada qonun doirasida ham jiddiy qadamlar tashlanayotganini ta’kidlab o‘tish lozim. Huquqiy bazaning mukammallashtirilishi, tadbirkorlik faoliyati rivoji uchun qulay bo‘lgan shart-sharoitlarning mavjudligi, shu bilan birga, IT Park’ning yaratilishi moliyaviy texnologiyalar bozorining rivojlanishiga jiddiy turtki bo‘la oldi.

Bundan tashqari, bizning kompaniyamiz yaqinda moliyaviy texnologiyalar ekotizimining texnik takomillashtirilishiga qaratilgan O‘zbekiston moliyaviy texnologiyalar assotsiatsiyasiga a’zo bo‘ldi. Shaxsan o‘zim ekspertlar kengashi a’zosiman hamda me’yoriy-huquqiy bazani rivojlantirish, xususan, to‘lovlarda yangi texnologiyalardan foydalanish va moslashtirish, shuningdek, moliyaviy texnologiyalar rivoji bo‘yicha o‘z fikrimni faol baham ko‘raman.

Kichik va o‘rta biznesga foyda keltiruvchi innovatsion texnologiyalarni joriy etish hamda innovatsiyalar bilan bog‘liq bo‘lgan monitoring va xavflarning oldini olish o‘rtasidagi to‘g‘ri muvozanatni topish juda muhimdir. Mening fikrimcha, mahalliy biznes vakillarining xalqaro maydonga faol chiqish vaqti keldi. O‘zbekistonda ham, xorijda ham xalqaro hamkorlik va logistika infratuzilmasini rivojlantirish uchun katta salohiyat mavjud. Aynan mana shu yo‘nalishda biz ishonchli hamkor bo‘lishga tayyormiz.

Hozirda onlayn-biznesda asosan yosh tadbirkorlar faoliyat olib borayotgani biz uchun quvonarli. Menimcha, aynan yoshlar moliyaviy texnologiyalar sohasini rivojlantirishda peshqadam bo‘la olishadi.

Siz yirik loyihaning ilk ayol rahbarlaridansiz. Bu yo‘nalishni tanlashingizga nima turtki bo‘lgan? E-commerce kompaniyalarida ayol rahbarlarga bo‘lgan munosabatlardagi stereotiplar o‘zgarmoqda deb hisoblaysizmi?

– To‘g‘risini aytsam, bu savolni aynan erkaklar berayotgani meni quvontiradi. Telekommunikatsiya sohasidagi 10 yillik tajribamdan so‘ng bugungi kunda jadal rivojlanib borayotgan moliyaviy texnologiyalar sohasida o‘zimni sinab ko‘rish taklifini oldim. Men bu yo‘lni ongli ravishda, “komfort zona”dan chiqish uchun ham tanladim. Menga ishonch bildirib, qo‘llab-quvvatlagan ustozlarimdan juda minnatdorman. Mening ishim – o‘zimni rivojlantirish uchun fantastik imkoniyatdir. Chunki moliyaviy texnologiyalar jamoasida ham, IT jamoasida ham birdek doimiy o‘sish bor va ana shu sur’atda harakat qilish, birga o‘sish zarur.

Men u yoki bu ishni ayol yoki erkak bajarishi kerak degan mezonlar tarafdori emasman. Avvalo jins emas, ishdagi professionallik muhim. Mamlakatimizda biznesdagi gender stereotiplar asta-sekinlik bilan yo‘qolayotgani quvonarli. Men O‘zbekiston moliyaviy texnologiyalar assotsiatsiyasi ekspertlar kengashi a’zosi sifatida tadbirkor ayollarning moliyaviy savodxonligini oshirishga qaratilgan ijtimoiy loyihalarni qo‘llab-quvvatlayman. Moliyaviy texnologiyalar sohasida ayollarning fikrlashiga xos bo‘lgan g‘oyalar, qarashlar va sa’y-harakatlar bilan texnologiyaga boshqa tomondan nazar tashlashga yordam beradigan, sohamizda dadil qarorlar qabul qila oladigan qizlar ko‘payishini istar edim.

Qo‘shimcha ma’lumot: www.freedompay.uz