Eronning Birlaşgan Millatlar Taşkilotidagi missiyasi bayonotiga köra, Saudiya Arabistoni bilan ikki tomonlama aloqalarni tiklaş böyiça erişilgan kelişuv Yamandagi köp yillik uruşni siyosiy yöl bilan hal qilişga yordam beradi. Bu haqda Eron davlat matbuotiga tayanib Arab News xabar berdi.
Ötgan haftada Eron va Saudiya Arabistoni yetti yillik keskinlikdan söng diplomatik munosabatlarni tiklaş va öz elçixonalarini qayta oçişga kelişib olgan edi.
Ğarb hukumatlari va BMT ekspertlari uzoq vaqtdan beri Eronni Yamandagi husiylarga qurol yetkazib berişda ayblab keladi. Ğarb harbiylari Qizil dengizda Yamanga ketayotgan kemalarni Eron qurollari bilan bir neça bor qölga tuşirgan.
Tehron husiylarni qurollantiriş haqidagi ayblovlarni rad etadi.
Tehron va Ar-Riyod örtasida yirik diplomatik yutuqni amalga oşirişga Xitoy vositaçilik qildi, endi bu mintaqaviy raqiblar örtasida töğridan töğri va bilvosita töqnaşuvlar ehtimolini kamaytiradi.
Eronning IRNA axborot agentligiga köra, Saudiya Arabistoni bilan kelişuv natijasida muddati tugagan öt oçişni töxtatiş haqidagi bitim yangilanişi mumkin. Bu «milliy muloqotni boşlaş va Yamanda inklyuziv milliy hukumatni şakllantirişga yordam beradi».
Yaman mojarosidagi eng uzun sulh 2022 yil oktyabr oyida yakuniga yetdi. Biroq, ikkala tomon ham husiylar va Saudiya Arabistoni örtasida kelişuvni uzaytiriş böyiça muzokaralar olib borilayotgani sababli jangovar harakatlar boşlanişiga olib kelişi mumkin bölgan keskinlikdan tiyildi.
Husiylar kelişuvni olqişlagandek tuyulmoqda, bir vaqtning özida ular Eronning asosiy duşmanlari bölmiş AQŞ va Isroilni qattiq qoralamoqda.
Inson huquqlari taşkilotlarining aytişiça, Yamandagi uruş dunyodagi eng dahşatli gumanitar inqirozlardan biriga sabab bölgan va millionlab odamlarni oçlik yoqasiga olib kelgan.
