Xitoy Toshkentda qayta tiklanuvchi energiya manbalarini rivojlantiradi

16 mart kuni Toshkent shahar hokimi o‘rinbosari Sharof Rahmonov Xitoyning Green & Smart Energy (GSEO) tashkiloti bosh kotibi Vu Jianbo bilan uchrashdi. 

Poytaxt hokimligi xabariga ko‘ra, o‘zaro muloqot davomida ikki tomonlama hamkorlikni rivojlantirish masalalari muhokama etildi.

Shuningdek, ikki tomon mutasaddilari Toshkent shahrida kam uglerodli va qayta tiklanuvchi energiya manbalarini rivojlantirish, energiya tejash va energiya samaradorligini oshirish hamda yashil rivojlanishni qo‘llab-quvvatlash maqsadidagi o‘zaro anglashuv memorandumini imzolashdi.

Avvalroq O‘zbekiston bo‘ylab 36 mingta aholi xonadonida quyosh panellari o‘rnatilishi xabar berilgandi.

2023 yilda respublika hududlarida aholi xonadonlariga kichik quvvatli quyosh panellarini o‘rnatishni rag‘batlantirish bo‘yicha “Quyoshli xonadon” dasturi amalga oshiriladi. Ushbu Dastur asosida mamlakat hududlarida 36,6 mingta aholi xonadonlarida umumiy quvvati 182,1 MVt bo‘lgan quyosh panellari o‘rnatiladi.