Ҳодиса оқибатида жабрланган ёки ҳалок бўлганлар йўқ.
Фото: Тошкент шаҳар ФВБ матбуот хизмати
Тошкентда 20 март куни кузатилган кучли шамол ва ёғингарчилик вақтида дарахтни яшин уриши натижасида мактаб биноси эшик ва ойналарига шикаст етди.
Ижтимоий тармоқларда 83-сонли умумтаълим мактабида юзага келган ҳолат видеоси тарқалди.
Тошкент шаҳар Фавқулодда вазиятлар бошқармасининг хабар қилишича, ҳодиса оқибатида жабрланган ёки ҳалок бўлганлар йўқ.
Фавқулодда вазиятлар вазирлиги ходимлари томонидан ўз вақтида бартараф этиш ишлари олиб борилгани айтилган.
