Dam olish kunlari beqaror ob-havo saqlanib turadi

“O‘zgidromet” xabariga ko‘ra, Toshkent viloyati va Farg‘ona vodiysi viloyatlari ayrim joylarida kuchli yomg‘ir kuzatilishi mumkin. Qolgan hududlarda yog‘ingarchilik kutilmaydi. Ba’zi joylarda shamol tezligi 15-20 m/s gacha kuchayadi. Kunduzgi havo harorati +16...+21 darajadan yuqori bo‘lmaydi.

Tog‘oldi va tog‘li hududlarda sel-suv toshqin hodisalari yuzaga kelishi mumkin. Toshkent viloyati tog‘li hududlarida 2000 metrdan yuqorida qor ko‘chishi xavfi bor.

Ertaga kechasi va ertalab Qoraqalpog‘iston Respublikasi va Xorazm viloyatida, kun ikkinchi yarmida Toshkent, Samarqand, Jizzax, Sirdaryo viloyatlarida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Qolgan hududlarda yog‘ingarchilik kutilmaydi.

Yakshanba kuni faqat Qoraqalpog‘iston Respublikasi, Xorazm, Buxoro, Navoiy viloyatlarida yomg‘ir yog‘adi.

Dam olish kunlari harorat kechasi +7...+12 daraja, kunduz kuni +22...+27 darajani tashkil etadi.

7-9 aprelda respublika tog‘oldi va tog‘li hududlarida vaqti-vaqti bilan yomg‘ir yog‘adi, 7 aprelda ba’zi joylarda kuchli bo‘ladi. Baland tog‘larda (2000 metrdan yuqori) yomg‘ir qorga aylanishi mumkin.

Poytaxtda bugun vaqti-vaqti bilan yomg‘ir yog‘adi, momaqaldiroq bo‘lishi, do‘l yog‘ishi mumkin. Shamol 5-10 m/s tezlikda esadi, 12-17 m/s gacha kuchayishi mumkin. Harorat +16...+18 daraja bo‘ladi.

Shanba kuni qisqa muddatli yomg‘ir yog‘ishi, momaqaldiroq bo‘lishi mumkin. Yakshanba kuni yog‘ingarchilik kutilmaydi. Harorat kechasi +8...+10 daraja, kunduzi +22...+25 daraja bo‘ladi.