Ukrainada uruşning 409-kuni ötdi. Asosiy ma’lumotlar:

  • Ukraina prezidenti Volodimir Zelenskiy Polşa Kiyevga Rosomak rusumli 200 ta zirhli transportyor berişga rozi bölganini aytdi. Avvalroq bunday maşinalardan faqat 100 ta yetkazib berilişi aytilgandi.
  • Ukrainaning bosib olingan hududlaridan Rossiyaga olib ketilgan bolalardan 31 nafari qaytarildi.
  • Armaniston politsiyasi dezertirlikda gumonlanib qidiruvda bölgan Rossiya fuqarosini qölga oldi.
  • The Times ma’lumotiga köra, 2022 yil oktyabrida 600 nafarga yaqin ukrain harbiysi Zaporijjya AESni RF armiyasidan qaytarib oliş uçun amaliyot ötkazgan, ammo bu uriniş muvaffaqiyatsizlikka uçragan. 
  • The New York Times gazetasi AQŞning Ukraina, Xitoy, Hind-Tinç okeani mintaqasi va Yaqin Şarqqa taalluqli 100 dan ortiq hujjati sizdirilgani haqida xabar tarqatdi. 
  • Xarkiv oblasti harbiy ma’muriyati rahbari Oleg Sinegubov Kupyansk rayoni öqqa tutilişi oqibatida 65 va 34 yoşlarda bölgan ikki erkak halok bölganini xabar qildi.

Kun kadri. Slovyansk va Izyum orasidagi yöl

Slovyanskdan Izyumga boruvçi yöl böyida joylaşgan Dolina qişloğidagi Avliyo Georgiy monastiri xarobalari. Monaxlar Svyatogorskoy lavrga mansub bölgan uşbu skitni 2022 yil martida taşlab ketişgandi. Qişloqning özi kuzga qadar Rossiya istilosi ostida bölgan, bu vaqt içida Dolinada birorta butun bino qolmagan. Qişloq ozod etilganidan keyin bino hududidagi ilk ibodat ötgan yil noyabrida ötkaziladi.
Marek M. Berezowski / Anadolu Agency / ABACAPRESS / ddp images / Vida Press

Rossiya hududidan ota-onalariga qaytarilgan ukrainalik bolalar 

Ötgan yili Ukrainaning okkupatsiya qilingan hududlaridan Rossiyadagi «yozgi lager»ga olib ketilgan bolalar Belarus orqali uyga qaytmoqda. Xalqaro jinoiy sud mart oyida Vladimir Putin va RF prezidenti qoşidagi bolalar huquqi böyiça vakil Mariya Lvova-Belovaga ukrain bolalarining Rossiyaga deportatsiyasini taşkil etiş böyiça iş oçgandi.
Valentyn Ogirenko / Reuters / Scanpix / LETA