Milanliklar jamoasi namunali o‘yin o‘tkazdi va amalda o‘zi uchun yarimfinal yo‘llanmasini kafolatladi.
Benfika — Inter 0:2
Gollar: Barella (51), Lukaku (82, penalti).
Benfika – Vlaxodimos, Jilberto, Morato, Antoniu Silva, Grimaldo, Joau Mariu, Rafa Silva, Eursnes, Shikinyu, Florentinu (Neres, 64), Ramush.
Inter – Onana, Dumfris (D`Ambrozio, 87), Darmian, Acherbi, Bastoni (de Vrey, 90+1), Dimarko (Gozens, 63), Mxitaryan, Brozovich, Barella, Jyeko (Lukaku, 63), Martines (Korrea, 63).
Ogohlantirishlar: Antoniu Silva (22), Brozovich (50), Jyeko (83).
«Inter» uchun pley-off taqvimi nisbatan eng qulayi bo‘lmoqda. «Bavariya» «PSJ» ortidan «Manchester Siti»ga duch keldi, neradzurrining nimchorak va chorakfinaldagi raqiblari — Portugaliya vakillari. Ammo bu faqat qog‘ozda oson ko‘rinadi. Amalda esa barchasi juda qiyin.
Qolaversa, milanliklar jamoasining hozirgi holatidan kelib chiqqan holda vazifa yanada qiyin edi, jamoaning so‘nggi g‘alabasi 5 mart kuni kamtarona «Lechche» bilan o‘yinda qayd etilgandi. Agar so‘nggi sakkiz o‘yin olinsa, Simone Indzagi shogirdlari shuning yarmida mag‘lub bo‘lgan va uch o‘yinni durang bilan yakunlagan. Bu o‘yinlarda ambitsiyali klub uchun juda kam bo‘lgan beshgina gol urilgan, shundan ham ikkitasi — 11 metrli nuqtadan.
Ha, «Benfika» milanliklarning oldingi bosqichdagi raqibi «Portu»dan farq qiladi. «Ajdarlar» Portugaliya chempionatining avvalgi turida prinsipial raqibiga joriy yildagi ilk mag‘lubiyatni taqdim etgani mohiyatni o‘zgartirmaydi. Qariyb bir yildan buyon o‘z uyida yutqazmay kelgan «burgutlar» chempion sari ildamlamoqda va 33 yil ichida ilk bor asosiy yevrokubok yarimfinaliga chiqishni ko‘zlagani tabiiy edi. Qolaversa, Chempionlar ligasining bu mavsumida kashfiyotga aylangan bu jamoa hali yutqazmagan, 10 uchrashuvda g‘alaba qozonib, guruhda «PSJ» bilan ikki o‘yinda ham durang qayd etgandi.
Shu bilan birgalikda, lissabonliklarda xavotirga arziydigan muammolar ham bor edi, xususan Otamendi diskvalifikatsiya tufayli o‘yinni o‘tkazib yuboradigan bo‘ldi, natijada bosh murabbiy Rojyer Shmidt himoyani 40 yoshni qoralagan (ikkisi ham) Antoniu Silva va Morato juftligiga ishonishga majbur bo‘ldi. O‘yin startidan kelib chiqilsa, Indzagi aynan shu bog‘lamni raqibning eng zaif nuqtasi sifatida belgilab olgan. Raqib himoyadan chiqayotganida ushbu himoyachilarga qarshi kuchli pressing o‘tkazildi, birinchi bosim chizig‘i bosib o‘tilgan taqdirda ham, mehmonlar tezda o‘z jarima maydoniga qaytishga ulgurishdi va lissabonliklarga hujum uyushtirish uchun bo‘sh hududlar qoldirilmadi.
