17:25 / 17.04.2023
14944

Namangandagi korxona katta miqdordagi gazdan noqonuniy foydalangani aniqlandi

Davlatobod tumanida ohak ishlab chiqaruvchi korxona qiymati 4 mlrd so‘mdan ortiq hajmdagi gazdan noqonuniy foydalangan.

Foto: «Hududgazta’minot»

Namangan shahri Davlatobod tumanidagi korxona tabiiy gazdan noqonuniy foydalangan. Bu haqda «Hududgazta’minot» kompaniyasi matbuot xizmati xabar berdi.

Nam Smart Servis kompaniyasiga qarashli obekt ohak ishlab chiqarish uchun tarmoqqa yashirincha ulangan.

Dastlabki hisob-kitoblarga ko‘ra, umumiy qiymati 4 milliard so‘mdan ortiq gazdan noqonuniy foydalanilgan.

Bundan avvalroq Farg‘ona viloyatida 18 mlrd so‘mdan ortiq gazdan noqonuniy foydalanilgani aniqlangani ma’lum bo‘lgandi. Quvasoy tumanidagi ohak ishlab chiqaruvchi korxona to‘qqiz oy davomida 18 million kub metrdan ortiq gazni noqonuniy ravishda gaz ishlatgan.

Mavzuga oid
Top