Endi o‘qituvchi bitta sahifada ham uy vazifasini berishi, ham baho qo‘yishi, ham mavzuni ko‘rishi mumkin.
Foto: nuz.uz
Maktabgacha va maktab ta’limi vazirligi Kundalik.com tizimiga o‘zgartirishlar kiritilganini ma’lum qildi.
“Ta’lim nazorati” kanali xabariga ko‘ra: «Kun uchun jurnal»da «dars o‘tkazildi» katagiga belgi qo‘yish mumkin bo‘ldi. Endi o‘qituvchilar «Kun uchun jurnal»da davomat va baholarni hamda darhol dars o‘tkazilganligini belgilashlari mumkin.
O‘qituvchilar jurnalni Kundalik’ning veb-talqinida, mobil brauzerda, shuningdek Kundalik.Teacher ilovasida to‘ldirishlari mumkin.
Direktorlarning tarbiyaviy ishlar bo‘yicha o‘rinbosarlari uchun «Ma’naviyatni boshqarish, Maktab» hamda «Ma’naviyat boshqaruvi», «Sinf rahbari uchun» davomat hisobotlari paydo bo‘ldi. Bu nazorat qiluvchi organlarga ma’lumotlarni uzatishni soddalashtiradi.
