Shavkat Mirziyoyev ikkinchi Toshkent xalqaro investitsiya forumida ishtirok etadi 

Prezident matbuot xizmati xabariga ko‘ra, davlat rahbari forumning yalpi majlisida nutq so‘zlaydi. 

Sessiyada Islom taraqqiyot banki prezidenti Muhammad bin Sulaymon al-Jassir, Qirg‘iziston vazirlar mahkamasi raisi - prezident administratsiyasi rahbari Aqilbek Japarov, BMT bosh kotibining o‘rinbosari Olga Algayerova, Birlashgan Arab Amirliklari energetika va infratuzilma vaziri Suxayl al-Mazruiy, Vengriya iqtisodiy rivojlanish vaziri Marton Nad, ACWA Power kompaniyasi boshqaruvi raisi Muhammad Abdulla Abunayyan ham qatnashadi. 

Sessiyaga Yevropa tiklanish va taraqqiyot bankining kommunikatsiya masalalari bo‘yicha direktori Jonatan Charlz moderatorlik qiladi.

Davlat rahbari forum doirasida qator ikki tomonlama uchrashuvlar o‘tkazishi ham rejalashtirilgan.

Tadbirda 70 mamlakatdan kelgan 2,5 mingga yaqin ishbilarmon doiralar va bank-moliya sohasi vakillari ishtirok etadi.