Fotojamlanma: Toshkentda elchixonalar ishtirokida xayriya festivali o‘tkazildi

Toshkent shahrida O‘zbekistonda akkreditatsiyadan o‘tgan 20 dan ortiq elchixona vakillari ishtirokida “XIX madaniy an’analar va milliy taomlar festivali” bo‘lib o‘tdi. Kun.uz muxbiri mazali festivaldan fotojamlanma taqdim qiladi.

27 may kuni bo‘lib o‘tgan tadbirda elchixona vakillari o‘z mamlakatlarining taomlarini, shu jumladan, milliy oshxonalariga mansub bo‘lgan ekzotik lazzatlarni festival ishtirokchilariga taqdim qilishdi. Dunyoning turli xalqlari milliy musiqa va liboslari ham namoyish etilgan festival mehmonlar uchun ochiq bo‘ldi.

Tashkilotchilarning ma’lum qilishicha, ushbu festival “Madaniy an’analar va milliy taomlar festivali” xayriya tadbiri bo‘lib, unda milliy taomlarni sotish va homiylar ajratgan mablag‘larning barchasi “Muruvvat” bolalar uylariga o‘tkaziladi.