Натижада М39 ва М41 автомагистрали қисқа масофада бирлаштирилиб, Тошкент шаҳрига қатновни амалга ошираётган халқаро ва маҳаллий автоташувчилар учун йўл қисқаради.
Сурхондарё вилоятидаги 4Р105 «Дарбанд–Бойсун–Элбаён» автомобиль йўлининг 5-70 км (65 км) қисмини ва 4Р100 «Манғузор–Жарқўрғон–Бандихон–Олтинсой–Денов» автомобиль йўлининг 128-174 км (46 км) қисмини реконструкция қилиш лойиҳаси амалга оширилмоқда. Транспорт вазирлиги хабарига кўра, лойиҳа учун Осиё тараққиёт банки (ОТБ) маблағ ажратган. Реконструкция қилинадиган автомобиль йўлининг умумий узунлиги 111 км.
Мазкур автомобиль йўли реконструкция қилиниши билан Сурхондарё вилояти ҳудудидан ўтувчи халқаро аҳамиятдаги М39 ва М41 автомагистраллари қисқа масофада бирлаштирилиб, Тошкент шаҳрига қатновни амалга ошираётган халқаро ва маҳаллий автоташувчилар учун мавжуд 298 км узунликдаги автомобиль йўли 146 км қисқартирилади.
Лойиҳанинг якунига етказиш санаси хабарда кўрсатилмаган.
