“Xon Saroy” qurilish kompaniyasi navbatdagi “Diplomat” loyihasini o‘z yakuniga yetkazdi. Mazkur turar joy majmuasida 35,2 m/2 dan tortib 124,7 kv/m gacha bo‘lgan 304 ta xonadon mavjud. Loyiha qurilishi 2021 yilning may oyida boshlangan edi.
4 iyun kuni kompaniya loyihaning ochilish marosimini o‘tkazdi. Ochilish marosimi katta tantanaga aylandi, taniqli shou biznes olami vakillari xonadon egalarini tabriklashdi. Kompaniya mijozlari orasida yangi uy kalitlarini qo‘lga kiritgan taniqli san’atkorlar va blogerlar ham o‘z fikrlari bilan bo‘lishishdi.
“Xon Saroy” kompaniyasi xalqaro bolalar kuni munosabati bilan “Mening orzumdagi uy” tanlovini joriy qilgan edi. Unda bolajonlar o‘z orzularidagi uylarini chizib bot orqali kompaniya saytiga yuborishlari va saytda ovoz to‘plashlari kerak edi. Eng ko‘p ovoz to‘plagan surat mualliflari kompaniyaning qimmatbaho sovg‘alari bilan mukofotlandi.
Toshkent shahri Yunusobod tumanidagi Amerika elchixonasi yonida joylashgan “Diplomat” turar joy majmuasi o‘zining qulay va xavfsizligi bilan e’tiborni tortadi. Loyiha dizayni zamonaviy uslubda yaratilgan. Majmua ichida bolalar uchun o‘yin maydonchalari, attraksionlar mavjud. 24/7 rejimda qo‘riqlash xizmati, xavfsizlik nazorati istiqomat qiluvchi aholi xavfsizligini ta’minlaydi.
Kompaniya o‘zining “Ayvon”, “Xon Saroy”, “Mega Tower” va “Pandora” kabi turar joy majmualari bilan mashhur.
