Toshkentda 20 km uzunlikda «turizm halqasi» barpo etiladi, Chorsu bozori rekonstruksiya qilinadi

Hukumat bir oy muddatda poytaxtdagi Chorsu va Eski juva dehqon bozorlari hududini tartibga keltirish va turistik jozibadorligini oshirishga qaratilgan qaror qabul qilishi lozim.

Hukumat hujjatida bozor hududidagi tartibsiz qurilmalar o‘rniga loyiha asosida zamonaviy savdo rastalarini joylashtirish, davlat-xususiy sheriklik shartlari asosida ko‘p qavatli avtoturargoh tashkil etish hamda piyodalar yo‘laklarini qurish va irrigatsiya tarmoqlarini yangilash kabilar e’tiborga olinadi.

Shuningdek, bozor hududidagi bo‘sh turgan bino-inshootlar milliy arxitektura ishlanmalarini aks ettirgan loyihalar asosida rekonstruksiya qilinadi va qo‘shimcha yangi savdo rastalari quriladi.

Toshkent shahar hokimligi Davlat aktivlarini boshqarish agentligi damda Madaniyat va turizm vazirligi bilan birgalikda 2024 yil yakuniga qadar davlat-xususiy sheriklik shartlari asosida O‘zbekiston davlat sirki binosini ham rekonstruksiya qiladi.

«Turizm halqasi»ni tashkil etish xarajatlari uchun respublika budjetidan Toshkent shahar mahalliy budjetiga 3 yil muddatga 100 milliard so‘m miqdorida budjet ssudasi ajratilmoqda.