Surxondaryoda yangi ma’danli tuzilma borligi aniqlandi

Geologiya fanlari universiteti «Mineral resurslar instituti» DM xodimlari Surxondaryo viloyatida «Janubiy O‘zbekiston hududida 1:100 000 miqyosli kosmogeologik tadqiqotlar» nomli davlat loyihasi bo‘yicha dala tekshiruv ishlarini amalga oshirgan.

Tadqiqot davomida Surxontov tog‘ining Vaxshivor maydonida dala deshifrovkalash ishlari olib borilishi natijasida u yerda malaxitlashuvga boy yangi ma’danli tuzilma borligi aniqlangan.

Tog‘-kon sanoati va geologiya vazirligi xabar berishicha, ushbu aniqlangan tuzilma oltin va polimetallga istiqbolli ekanligi prognoz qilinmoqda.

Hozirda mazkur tuzilma davomiyligi yana qo‘shimcha ravishda o‘rganilmoqda, deyiladi xabarda.