Prigojin – isyonçi. Rostov «Vagner» nazoratida. Sönggi ma’lumotlar

Moskva meri Sergey Sobyanin poytaxtda aksilterror operatsiya rejimi joriy qilinişini e’lon qildi. Sobyanin bunday tadbirlar nega ötkazilayotganini böyiça izoh bermagan va harbiy isyonni şunçaki «kelayotgan ma’lumotlar» deb atagan. Moskva oblasti rahbari Andrey Vorobev hudud aholisidan şaxsiy avtomobilda harakatlaniş, Moskva janubiga va region çekka hududlariga borişdan tiyilişni söragan. Moskva oblastida ham xavfsizlik çoralari kuçaytirilib, aksilterror operatsiyalari boşlangan.

Rossiya boş prokurori Igor Krasnov «Vagner» rahbari Yevgeniy Prigojinga nisbatan qonuniy tarzda jinoiy iş oçilgani yuzasidan hisobot bergan. Bu haqda Putinning matbuot kotibi Peskov xabar berdi. Prigojinga nisbatan Rossiya jinoyat kodeksining 279-moddasi (qurolli isyon) bilan iş oçilgan. Bu moddaga köra javobgar 12 yildan 20 yilgaça qamalişi mumkin.

Putin bölayotgan voqealar fonida çiqiş qilib, Prigojinning harakatlari «ortdan berilgan zarba» va «xiyonat» ekanini aytdi. Uning murojaati bir soat keçikib amalga oşirildi.

Şu vaqtgaça Rossiya rasmiy telekanallarida Yevgeniy Prigojinning yuqori harbiy mulozimlar bilan tortişuvi haqida heç nima deyilmayotgandi. Ammo vaziyat jiddiylaşgaç, 24 iyun kuni Mokva vaqti bilan 01:30 da «Birinçi kanal»da harbiy isyon haqida qisqaça lavha berildi. Unda Prigojinga nisbatan jinoiy iş oçilgani haqida xabar öqib eşittirildi.

«Birinçi kanal»da Yangiliklar körsatuvining uşbu favqulodda efiri modeler Alyona Axmadulinaning intervyusini uzib qöyib uzatildi. Keyinroq kanalda yana bir favqulodda efir ketdi. Unda isyon haqida biroz köproq ma’lumot berildi, ammo heç qanday kutilmagan bayonot e’lon qilinmadi.

Kremlparast «Ribar» Telegram-kanalining yozişiça, Prigojinning axborot xizmati göyoki guruh lageriga raketa zarbasi berilgani haqida e’lon qilgan video sahnalaştirilgan bölgan.

Bosib olingan Sevastopol gubernatori Mixail Razvojayev hudud rahbarlari orasida Prigojinning isyoniga munosabat bildirgan birinçi gubernator böldi. U «hali xulosa qilişa ertaligi»ni aytdi. «Har qanday ziddiyat yomon, bunaqa darajadagisi esa juda ham yomon. Hozir heç birimizda kerakli xulosa qiliş uçun yetarli ma’lumot yöq. Rossiyaliklar davlatiga va prezidentiga işonişi kerak», degan gubernator.

Prigojin uning askarlari uçta vertolyotni urib tuşirganini ma’lum qildi. Keyinroq bitta harbiy samolyot ham urib tuşirilgan. «Töqnaşuvlar harbiylarga xato ma’lumot berilgan hududlarda sodir bölmoqda. Harbiylar bizni kutib olayotgan yerlarda Rosgvardiya, militsiya bizni xursandçilik bilan qarşilamoqda. Köpçiligi biz bilan birga ketiş istagini bildirişmoqda. Hali köp yöl bosganimiz yöq, ammo allaqaçon 60-70 çoğlik odam bizga qöşilişga ulgurdi», dedi Prigojin guruh safi kengayayotgani haqida.

«Fontanka» naşri Peterburgdagi «Vagner Markazi»ga kuçişlatar tizim vakillari borgani haqida yozdi. Şuningdek, Prigojin egalik qiladigan biznes markazda tintuv işlari boşlangan. U yerga ikki avtobusda OMON va Rosgvardiya zobitlari kelgan. Prigojinning ofisidan bir «Gazel» pul topilgan. Uning özi pullar bölganini tasdiqladi va u vagnerçilarning maoşi ekanini aytdi.

Rossiyalik muxolifatçi Mixail Xodorkovskiy «odamlarga Prigojinni eşitişga yordam beriş»ga çaqirdi. Uning sözlariga köra, Prigojin uruşga qarşi rossiyaliklar avvalboşdan bildirayotgan e’tirozlarni takrorlab, uruşdan maqsad öğrilik bölgani, uning asl maqsadiga esa heç kim işonmasligini aytgan. Xodorkovskiyning fikriça, Prigojinga qarşilik qiladiganlarni töxtatişga uriniş kerak. «Axir bizning duşmanimiz bitta» degan milliarder.

Rossiyaning boş propagandaçilaridan biri Vladimir Solovev öz kanalida Zaporijjyadan qaytayotganini aytib, video joyladi. «Bunaqa kunlargaça yaşayman deb öylamagandim. Vagnerçilar, özingizga keling va ukronatsizm bilan kuraşing», degan u. Solovev bu isyonni diktator Mussolinining Rimga yurişiga öxşatib, fuqarolar uruşidan yomonroq heç narsa yöqligini aytgan.

Uruş davomida juda faol postlar yozib kelgan Dmitriy Medvedev esa bu gal jarangdor çiqiş qila olmadi va şunçaki Putinning atrofida birlaşişga çaqirdi.