“Adolat” sotsial-demokratik partiyasidan nomzod Robaxon Mahmudova, Ekologik partiyadan nomzod Abdushukur Hamzayev va XDP nomzodi Ulug‘bek Inoyatovlar saylov uchastkalariga tashrif buyurib, ovoz berdi.
“Adolat” sotsial-demokratik partiyasidan O‘zbekiston Respublikasi Prezidentligiga nomzod Robaxon Mahmudova 21-saylov uchastkasiga oilaviy tashrif buyurib, ovoz berish jarayonida ishtirok etdi.
Toshkent shahar Mirzo Ulug‘bek tumanida joylashgan mazkur saylov uchastkasida ro‘yxatga olingan jami saylovchilar soni 1470 nafarni tashkil etadi.
O‘zbekiston Ekologik partiyasidan prezidentlikka nomzod Abdushukur Hamzayev Toshkent shahar Yangihayot tumanidagi 583-saylov uchastkasida ovoz berdi.
Abdushukur Hamzayev saylov uchastkasiga o‘z rafiqasi bilan tashrif buyurdi.
O‘zbekiston Xalq demokratik partiyasi Markaziy Kengashi raisi, prezidentlikka nomzod Ulug‘bek Inoyatov rafiqasi bilan birga Toshkent shahar Shayxontohur tumani Yangi Jarariq mahallasidagi 427-saylov uchastkasida ovoz berdi.
O‘zbekistonning barcha hududlaridagi saylov uchastkalarida Prezident sayloviga ovoz berish jarayonlari davom etmoqda.
