«Muammolarni oçiqçasiga va juda keskin aytdim». Rossiyaning yirik armiyasi qömondoni çetlatildi

RF mudofaa vazirligi 58-armiya qömondonligi rahbariyatidagi özgarişlar haqida rasman xabar bermadi. Ammo RF qöşinlarining Ukrainaga keng kölamli bosqini boşlanganidan keyin RF qurolli kuçlaridagi kadrlar özgarişlari töğrisida rasmiy xabar yoki keçikib beriladi yoki bu haqda boşqa yöllar orqali ma’lum böladi. Xususan, mudofaa vazirligi Popov 58-armiya qömondoni lavozimiga tayinlangani haqida e’lon qilmagan, ammo 2023 yil iyunida u vazirlikning svodkalarida aynan şu rutbada tilga olina boşlagan. RF mudofaa vazirligi hozirça Popovning murojaati yuzasidan izoh bermadi.

General-mayor Ivan Popov «Spartak» çaqiruv belgisidan foydalanadi, öz qöli ostidagilarni şunga mos ravişda «gladiatorlar» deb atagan. 48 yoşli Popov Şimolyi-Kavkaz harbiy okrugida vzvod komandiridan boşlab turli lavozimlarda xizmat qilgan. 2016 yilda 33-alohida motoöqçilar brigadasi komandiri etib tayinlangan. U haqda oçiq rasmiy manbalarda ma’lumot juda kam. «Voyenkor» Vladislav Şurigin Popov «uruşning ilk kunlaridanoq öz askarlari bilan bölgani, oğir jarohat olgani, ammo safga qaytgani»ni eslab ötgan.

Harbiy muxbirlar Popov çetlatilganidan qattiq norozi. Şurigin bu hodisani «butun armiyaga berilgan dahşatli zarba» deb ta’rifladi. Aleksandr Kots esa Popovning qöli ostidagilardan u haqda «ijobiy fikrlar» eşitganini aytgan, «vaziyatning kelib çiqiş tafsilotlaridan bexabarligi»ni qöşimça qilgan va 58-armiyaning sobiq qömondoni boşqa yuqoriroq lavozimga tayinlanişi mumkinligini taxmin qilgan. Roman Saponkov bu voqeani «armiyadagi ruhiyatga qarşi dahşatli terakt», «diversiya» deb baholagan va «baliq közli yuzsiz odamlar jangovar generalni işdan olgani» haqida yozgan. «Rybar» telegram-kanali muallifi Mixail Zvinçuk Popov «şaxsiy tarkib tomonidan ulkan qölloviga ega bölgani» va «oddiy» halol general Popovning çetlatilgani haqidagi yangilik «oldingi çiziqdagi jangçilarning ruhini çöktirişi» haqida fikr bildirgan.

Siyosatçilar va propagandaçilar esa Popovning murojaati e’lon qilib yuborilganidan norozi. Senator Andrey Turçak Popovning murojaati omma uçun bölmaganini qayd etgan. Turçakning sözlariga köra, murojaat 58-armiya jangçilari va komandirlarining yopiq çatiga joylaştirilgan, «deputat» (uning postida bu söz qöştirnoqda keltirilgan) Gurulev esa qandaydir tarzda qölga kiritgan va «bundan siyosiy şou yaratgan». «Ivan [Popov]ning vijdoni toza. Vatan bunday komandirlar bilan faxrlanişi mumkin», — deya yozgan senator. Turçakning postini propagandaçi Margarita Simonyan ham öz telegram-kanalida forvard qilgan.

Davlat dumasining mudofaa böyiça qömitasidagilar Popovning bayonotini «örganib çiqiş kerak» deb hisoblaydi. «Bu şaxsiy xarakterdagi bayonot, unda turliça fikrlar mavjud, harbiy harakatlar esa davom etmoqda», — degan Davlat dumasining mudofaa böyiça qömitasi a’zosi, general-polkovnik Viktor Zavarzin. «Har bir holat individual yondaşuvni talab etadi. Balki xulosalarda, balki baholarda xatolik bölişi mumkin. Biz buni aniqlab olişimiz kerak», — deya qöşimça qilgan u. Uning parlament qömitasidagi hamkasbi Andrey Kartapolov ham Popovning murojaati «tinglangani, körib çiqilgani va vakolatli odamlar tomonidan çoralar körilişi»ni aytgan.

Popovning murojaatiga munosabat bildirganlarning köpçiligi u yoki bu tarzda Prigojinning isyonini yodga olgan. Xususan, «Rybar» telegram-kanalini yurituvçi Mixail Zvinçuk «Prigojinning isyonidan keyin „jodugar ovi“ boşlangani va „muammo haqida aytgan — duşman“ prinsipi» yana stolga qaytganini yozgan. Zvinçukning ma’lumotiga köra, Popovning murojaatidagi «katta boşliq» — bu RF boş ştabi boşliği Valeriy Gerasimovdir. Uni Prigojin ham oçiqçasiga tanqid qilgandi. «Popov va Gerasimov örtasidagi ziddiyat asosiy muammoga çiroq tutadi: RF qurolli kuçlarida birdamlik yöqligiga», — deya qayd etgan u.