O‘zbekiston prezidentining Afg‘oniston bo‘yicha maxsus vakili va Rossiya elchisi Afg‘onistonga insonparvarlik yordam ko‘rsatish muhimligini alohida ta’kidladi.
Foto: TIV
O‘zbekiston prezidentining Afg‘oniston bo‘yicha maxsus vakili Ismatulla Ergashev Rossiya elchisi Oleg Malginov bilan uchrashdi.
TIV ma’lumotiga ko‘ra, suhbat chog‘ida Afg‘onistondagi mavjud vaziyat va tomonlarning ushbu yo‘nalishdagi o‘zaro hamkorligi masalalari muhokama qilindi.
Qayd etilishicha, uchrashuvda Afg‘onistonga insonparvarlik yordami ko‘rsatish muhimligi alohida ta’kidlab o‘tilgan.
