Childirma sadolarida kutib olingan abituriyentlar, hayajondagi ota-onalar – Farg‘onadagi imtihonlarning ilk kunidan fotojamlanma

1 avgustdan respublika bo‘ylab oliy ta’lim muassasalariga kirish uchun test imtihonlari boshlandi. Kun.uz muxbiri FarDU hamda Farg‘ona politexnika institutlari binosida o‘tkazilgan imtihonlarning 1-kunidan fotoreportaj tayyorladi.

Farg‘ona davlat universiteti eng ko‘p abituriyent (birinchi ta’lim yo‘nalishiga nisbatan) ro‘yxatdan o‘tgan O‘zbekiston OTMlari ichida 3-o‘rinni egallagan. Mamlakat bo‘ylab test sinovlarida ishtirok etadigan qariyb 950 ming abituriyentning 28 188 nafari aynan FarDUni tanlagan.

Shuningdek, oliy ta’lim olish istagidagi abituriyentlarning 89 022 nafarini Farg‘ona yoshlari tashkil etgan.