OAV: «Real» Mbappening tanishtiruv marosimi uchun materiallarga buyurtma berdi

Ispaniyaning Marca nashri xabariga ko‘ra, bunday tayyorgarlik Mbappening transferi bo‘yicha kelishuv yakunlangan degani emas. «Real» o‘tgan yili ham fransiyalik futbolchining taqdimotiga tayyorgarlik ko‘rgan edi, o‘shanda transfer amalga oshmay qolgandi. 

Futbolchi hozirda to‘p surayotgan «PSJ» allaqachon u bilan aloqani uzishni boshlagan. Foot Mercato xabariga ko‘ra, parijliklar «Park de Prens» stadioni fasadidan futbolchi tasvirlagan posterni olib tashlagan. Shu bilan birga, OAV xabarlariga qaramay, Mbappe ismi tushirilgan futbolkalar «PSJ» rasmiy do‘konida hamon sotilmoqda.

Iyun oyida futbolchi fransuz klubi bilan shartnomani uzaytirish variantini faollashtirmasligi ma’lum bo‘ldi. «PSJ» Mbappeni jamoadan chetlatdi va shartnomani uzaytirishdan bosh tortgani uchun mavsum uchun arizadan olib tashlashi mumkin. ESPN xabariga ko‘ra, futbolchi «PSJ»ning Liga 1 yangi mavsumidagi «Loryan»ga qarshi birinchi o‘yinini va, ehtimol, avgust oyidagi barcha o‘yinlarini o‘tkazib yuboradi.

Avvalroq, taniqli futbol insayderi Fabritsio Romano Saudiyaning «Al-Hilol» klubi parijliklarga hujumchini 300 million yevroga transfer qilish bo‘yicha rasmiy taklif bilan chiqqani haqida xabar bergandi - bu futbol tarixidagi eng yuqori summa. Ammo Mbappe bu yozda «Real»dan boshqa klubga o‘tishi dargumon, deya ta’kidlaydi L’Equipe. 

Mbappe 24 yoshda, u 2017 yilda «Monako»dan «PSJ»ga o‘tgan edi. Fransiyalik futbolchi Parij klubi safida 260 ta o‘yin o‘tkazib, 212 ta gol urgan va 98 ta golga assistentlik qilgan. Jamoa bilan birga u besh karra Fransiya chempioni, shuningdek, uch karra Fransiya kubogi sohibiga aylandi. Futbolchi milliy jamoa tarkibida 2018 yilgi jahon chempioni hisoblanadi. 2023 yil avgust oyi boshida Transfermarkt futbolchining transfer narxini 180 million yevroga baholadi.