Bellinghemdan shedevr, yulduzlarsiz ojiz «PSJ» va omadsiz Keyn. Kun o‘yinlari

Angliya: «Arsenal»ning javobi

«Arsenal» – «Nottinghem Forest» 2:1
Gollar: 1:0 – 26 Nketia, 2:0 – 32 Saka, 2:1 – 82 Avoniyi.
Arsenal – Remsdeyl, Uayt, Saliba, Timber (Tomiyasu, 50), Edegor, Rays, Haverts, Parti, Saka, Martinelli (Gabriel, 86), Nketia (Trossar, 73).
Nottinghem Forest – Tyorner, Oryye, Boli, Makkenna, Uorrell (Kris Vud, 88), Ayna (Uilyams, 72), Mangalya, Yyeyts, Gibbs-Uayt, Danilo (Avoniyi, 71), Jonson (Elanga, 80).
Ogohlantirishlar: Ayna (28), Timber (45), Mangalya (81).

Agar barchasini o‘tgan mavsumdagi chempionlik poygasi davomiga mengzasak, juma kuni «Manchester Siti» chempionshipdan qaytgan «Byornli»ni ishonchli hisobda mag‘lub etib (3:0), o‘z yurishini amalga oshirgandi. Umuman olganda, bunday natijaga hech kimda shubha yo‘q edi, «Arsenal»ning bir kun keyinga belgilangan o‘yini esa biroz kechikib boshlandi. Sababi — bu mavsumdan joriy qilingan muqobilsiz elektron chiptalar tizimi bilan bog‘liq muammolar.

O‘yin boshlangach esa «Nottinghem» mezbon muxlislarni qo‘rqita oldi, ammo himoyachilardan qochib ketgan Jonson xato zarba berdi, ko‘p o‘tmay Martinellining ikki himoyachiga orasidan tovon bilan yo‘llagan pasini Nketia sobiq jamoadoshi Mett Tyorner qo‘riqlayotgan darvozaga yo‘lladi. Bu epizodda mezbonlarga omad ham yordam bergan bo‘lsa (to‘p himoyachilardan biriga tegib yo‘nalishini o‘zgartirdi), Sakaning uzoq masofadan yo‘llagan zarbasi — faqat futbolchining mahorati evaziga bo‘ldi. O‘yin oxirida zaxiradan tushgan Elanga va Ayvonining qarshi hujumda urgan goli hisobni qisqartirgan bo‘lsa-da, londonliklar uch ochkoni o‘ziniki qilishdi. Londonliklarning niderlandiyalik yangi himoyachisi Yurriyen Timberning jarohati esa Mikel Artetaning ko‘nglini xira qildi, u jamoa o‘yiniga juda yaxshi kirishib ketgandi.

{Yii::t(}

O'tkazib yuborish 6s

O'tkazib yuborish

«Nyukasl» – «Aston Villa» 5:1
Gollar: 1:0 – 6 Tonali, 1:1 – 11 Diabi, 2:1 – 16 Isak, 3:1 – 58 Isak, 4:1 – 77 Uilson, 5:1 – 90 Barns.
Nyukasl – Poup, Tripper, Sher, Botman, Bern, Bruno Gimaraes (Longstaff, 85), Tonali (Anderson, 90), Almiron (Merfi, 86), Joelinton, Gordon (Barns, 68), Isak (Uilson, 68).
Aston Villa – Martines, Kesh (Filodjin-Baydeys, 87), Mingz (Pau Torres, 31), Konsa, Din, Makginn (Diyego Karlos, 64), Kamara, Duglas Luis, Beyli (Tilemans, 46), Diabi (Koutino, 87), Uotkins.
Ogohlantirishlar: Duglas Luis (6), Din (32), Martines (45), Botman (45), Kesh (48), Gordon (53), Bruno Gimaraes (67), Tonali (90).

Shanba kungi o‘yinlar dasturini kunning asosiy o‘yini yopib berdi - o‘tgan mavsumni top-4da yakunlagan «Nyukasl» va o‘sha chempionat ikkinchi qismida eng barqaror o‘yin namoyish etgan «Aston Villa» to‘qnashdi. Jamoalarning iyul oyidagi o‘rtoqlik uchrashuvida 3:3 hisobidagi jangovar durang qayd etilgani ham ushbu o‘yinga qiziqishni oshirdi, o‘yin ham shunga mos kechdi. Uchrashuv debyuti voqealarga boy bo‘ldi — 10 daqiqa ichida uch gol urildi. Dastlabki ikki golni jamoalarning yangi futbolchilari o‘z nomlariga yozib qo‘yishdi —dastlab Gordonning qanotdan uzatilgan pasiga tashlangan Tonali debyutini ajoyib gol bilan boshladi, keyin esa Unai Emeri jamoasiga «Bayyer»dan kelgan hujumchi Diabi  maydon markazida to‘pga bir teginishda darvozani ishg‘ol etdi.

Ammo shundan keyin maydonda birminghemliklar muxlislari uchun ijobiy pallalar bo‘lmadi. Avvaliga ular chiroyli ijro etilgan standart vaziyatdan gol o‘tkazib yuborishdi, keyin esa jamoa sardori Mings og‘ir jarohat olib, maydonni zambilda tark etdi. Mehmonlar uchun yoqimsiz voqealar tanaffusdan keyin ham davom etdi, Isak himoyachi xatosidan unumli foydalanib, to‘pni Martines ustidan tushirib qo‘ydi, o‘yinga intriga qaytarish imkoniga ega bo‘lgan Kesh esa bo‘sh darvozani ishg‘ol eta olmadi.

Shundan keyingi voqealar «Villa»ning xo‘rlanishi bilan kechdi. Uilson yana bir bor zaxiradan tushgan o‘yinida gol urdi, unga uzatma bergan jamoaning yana bir yangi futbolchisi Barns ham maydonni golsiz tark etmadi. O‘yinda gollar ko‘proq bo‘lishi ham mumkin edi. Tonali, Isak va Uilson yakkama-yakka vaziyatlardan foydalana olmadi, shuning uchun bu o‘yinda 7:1 yoki 8:1 hisobi qayd etilganida ham hech kim hayron qolmasdi. Ammo yana bir necha turdan keyin xulosa qilish mumkin: «Nyukasl» o‘yini shunchalik o‘sdimi yoki birminghemliklarga o‘tgan bahordagi o‘yinlari uchun ortiqcha baho berib yuborilganmidi?

Ispaniya: «Real» g‘alaba bilan boshladi

«Atletik» – «Real» 0:2 
Gollar: 0:1 – 28 Rodrigo, 0:2 – 36 Bellingem.
Atletik – Unai Simon, De Markos, Vivian, Paredes, Lekue (Garsiya de Albenis, 71), Ruis de Galarreta, Vesga (Errera, 64), Gomes (Sanset, 46), Muniain (Guruseta, 46), Uilyams (Berenger, 46), Uilyams.
Real – Lunin, Karvaxal, Alaba, Militao (Ryudiger, 50), Fran Garsiya, Valverde, Kamavinga (Kroos, 71), Tchuameni, Bellinghem, Vinisius Junior (Modrich, 80), Rodrigo (Xoselu, 80).
Ogohlantirishlar: Muniain (4), Vivian (67), Alaba (76).

«Real» nihoyat maydon markazida romb hosil qilishni ko‘zda tutuvchi 4-4-2 ko‘rinishidagi yangi sxemasini jangovar sharoitda ham sinab ko‘rdi. Kuchli hushtakbozlikka uchrayotgan Vinisius Junior hozircha yangi rolga moslashayotgan bo‘lsa, o‘tgan mavsumda ham markaziy hujumchi sifatida o‘ynagan Rodrigo jamoaning yangi sardoriga aylangan Karvahal bilan devor uslubida o‘ynagan holda madridcha gol urib hisobni ochdi. Braziliyalik ushbu futbolchi «Atletik» darvozasini nihoyat ishg‘ol etishi uchun to‘qqiz o‘yin talab etildi.

Shundan keyin ham Unai Simon qo‘riqlayotgan darvoza tinimsiz qamal qilindi va ketma-ket hujumlar Bellinghem ijrosidagi shedevr bilan yakunlandi, la ligadagi debyutini o‘tkazgan angliyalik vunderkind burchakdan uzatilgan to‘pni yerga cho‘pchitgan holda darvozaning yuqori o‘ng burchagiga yo‘naltirdi.

Golini «San-Mames»dagi mezbon muxlislar tribunasi qarshisiga borib nishonlagan ushbu futbolchiga ham hushtakbozlik qilindi, Eder Militaoni esa olqishlar bilan kuzatib qo‘yishdi. Aftidan, «Real» Kurtua ortidan yana bir muhim futbolchisidan ayrildi. Braziliyalik himoyachi ko‘zda yosh bilan maydonni tark etdi, bu esa uning jarohati og‘ir ekanini ko‘rsatadi.

No se ve bien lo de Militao pic.twitter.com/0iuPgLsrVn

— Andre 🛹🇲🇽 (@_AndreCA7) August 12, 2023

Mavsum startida uch ochko olinganiga qaramay, qaymoqranglilar katta muammolarga duch kelishdi.

«Real Sosedad» – «Jirona» 1:1
Gollar: 1:0 – 5 Kubo, 1:1 – 72 Dovbik.
Real Sosedad – Remiro, Traore (Sola, 74), Le Norman, Subeldiya, Munyos, Mendes, Subimendi, Turriyentes (Olasagasti, 80), Kubo (Cho, 74), Oyarsabal (Sodiq, 74), Fernandes (Barrenechea, 59).
Jirona – Gassaniga, Martines (Espinosa, 90), Blind, David Lopes, Migel Guterres, Yan Kouto (Torre, 64), Aleish Garsiya, Errera (Martin, 86), Savio (Fernandes, 64), Tsigankov, Stuani (Dovbik, 64).
Ogohlantirishlar: Martines (9), Stuani (45), Le Norman (45), Migel Guterres (79), Olasagasti (85), David Lopes (90), Gassaniga (90).

O‘tgan mavsum yakunlariga ko‘ra YeChLga yo‘llanma olgan «Real Sosedad» yangi mavsumni uyda ochko yo‘qotish bilan boshladi, holbuki barchasi san-sebastyanliklar ssenariysi bo‘yicha ketayotgandi. Basklarning o‘tgan mavsumdagi eng yaxshi futbolchisi bo‘lgan Kubo Munyosning uzatmasidan keyin to‘pga bir teginish bilan darvozani ishg‘ol etgandi. Ammo ikkinchi bo‘limda Oyarsabal qulay vaziyatni yo‘qqa chiqardi va bu jamoaga qimmatga tushdi. Sardorning ideal pozitsiyadan yo‘llagan zarbasini darvozabon oyoqlari bilan qaytardi, «Jirona» esa ikkinchi bo‘limda endigina maydonga tushgan yangi futbolchisi Dovbikning goli bilan hisobni tenglashtirdi - ukrainalik hujumchiga Kataloniyaga yanvar oyida kelgan ukrainalik yarimhimoyachi Viktor Tsigankov uzatma berdi.

Germaniya: Tuxel uchun shok va Olmoning triumfi

«Bavariya» – RB «Leypsig» 0:3
Gollar: 0:1 – 3 Olmo, 0:2 – 44 Olmo, 0:3 – 68, penalti Olmo.
Bavariya – Ulrayh, Pavar (Mazraviy, 46), Upamekano, de Ligt (Kim Min Je, 46), Devis, Kimmih (Goretska, 78), Laymer (Koman, 46), Sane, Musiala, Gnabri, Tel (Keyn, 64).
RB Leypsig – Blasvih, Henrihs, Orban, Simakan, Raum, Shlager, Olmo (Karvalyu, 78), Zayvald, Simons (Forsberg, 78), Verner (Sheshko, 64), Openda (Poulsen, 64).
Ogohlantirishlar: Pavar (13), Upamekano (34), Olmo (71).

Shanba tongida «Bavariya» Harri Keynni safiga qo‘shib olib, axborot maydonini portlatgandi, kechga kelib esa — bundesliga klublarining chigalyozdi mashg‘ulotlar vazifasini o‘tagan kubok o‘yinlaridan keyin — angliyalik hujumchi Germaniya Superkubogi o‘yini qaydnomasiga kiritildi. Va ushbu yulduz futbolchi zaxira o‘rindig‘ida o‘tirgan holda jamoasi o‘z vaziyatlaridan qanday foydalana olmayotgani, «Leypsig» esa debyutdayoq standart vaziyatdan maksimum natija chiqarganini tomosha qilishga majbur bo‘ldi. To‘p to‘ppa to‘g‘ri Dani Olmoning oyog‘iga borib tushdi va u darvozani osonlik bilan ishg‘ol etdi.

Ispaniyalik hujumchi o‘yin startida ham, tanaffus arafasida ham ideal harakatlandi, bavariyaliklar haqida esa bunday gap aytib bo‘lmaydi. Ular xato zarba berish mushkul bo‘lgan vaziyatlarda ham gol ura olishmadi, Musiala juda qulay vaziyatni yo‘qqa chiqarganidan keyin esa Keyn muxlislar olqishlari ostida maydonga chiqib keldi. Ammo muxlislar yulduzli forvard darhol zafar quchishi o‘rniga to‘p Mazraviyning qo‘liga tegishi va penaltini aniq ijro etgan Olmoning het-trigiga guvoh bo‘lishdi.

Final uchrashuvlaridagi bunday muvaffaqiyatsizlik «Bavariya»da 11 yildan buyon kuzatilmagandi — o‘shanda hali dortmundliklar safida bo‘lgan Levandovski Germaniya Kubogi uchun o‘yinda uchta gol urgandi. Hali kolleksiyasi u qadar boy bo‘lmagan «Leypsig»da uchinchi Superkubok, shundan ikkitasi Marko Roze boshqaruvida qo‘lga kiritilgan. Tomas Tuxel uchun esa mavsum dahshatli boshlandi. Keyn jamoa muammolariga barham bera oladimi?

Fransiya: «Park de Prens»da qurg‘oqchilik

«PSJ» – «Loryan» 0:0
PSJ – Donnarumma, Hakimi, Shkrinyar, Danilu Pereyra, Ernandes (Markinos, 82), Ugarte, Vitinya (Fabian Ruis, 68), Zair-Emeri, Li Kan In (Ekitik, 82), Asensio (Soler, 69), Gonsalu Ramush.
Loryan – Mvogo, Kalulu, Laport, Talbi, Meite, Le Goff (Yongva, 79), Le Bri, Fevr, Aberjyel, Makengo (Ponko, 59), Diyeng (Kone, 59).

Shanba kuni amalda «PSJ» tarixida yangi era boshlandi. Parijda o‘zini begona his qilgan Messisiz, ehtimol asosiy yulduzlikdan quvg‘indiga aylangan Mbappesiz. Klub va futbolchi yarashishi dargumon, Nosir Al-Hilayfiy shartnomani uzaytirishdan bosh tortgan forvard nafaqat klubga, balki shaxsan prezidentning o‘ziga ham xiyonat qildi deb hisoblamoqda. Kilian esa Parijda yana bir yil qolish qarorida sobit qolmoqda.

«Real» esa forvardning klubini o‘zgartirmoqchi ekani haqidagi ochiq bayonotidan umid qilmasa ham bo‘ladi. Futbolchini arzonroqqa olish uchun madriddagilarga bu kerak, ammo bunday yurish Mbappeni sodiqlik uchun ko‘zda tutilgan katta miqdordagi bonusdan avtomatik ravishda mahrum etadi. Va hozircha klub fotosessiyasiga ham chaqirilmagan futbolchi butun yilni zaxira o‘rindig‘ida o‘tkazishga yaqin turibdi.

Zayavkadan o‘rin olmagan Neymar bilan vaziyat esa biroz osonroq. U klubga ketish niyatini bildirgan va sobiq futbolchisi uchun yiliga 12-13 million yevrodan ortiq taklif qila olmaydigan «Barselona» bilan og‘zaki kelishuvga erishgan. Ammo ko‘k-anorranglilar transfer uchun pul to‘lay olmaydi, shu tufayli Ney Kataloniya poytaxtiga yoki «PSJ» bilan shartnomasini bekor qilish orqali, yoki ijara bo‘yicha qaytishi mumkin. Hozircha braziliyalik forvard va parijliklar faxriysi Verrattining kelajagi mavhum bo‘lib qolmoqda, Luis Enrike esa ularning ikkisini ham zayavkadan chiqarib tashladi.

Ammo shanba kuni oqshomida telekameralar tribunalardan ushbu ikki futbolchini emas, «Park de Prens»ga kelgan Mbappeni qidirishdi. U o‘yinni «PSJ»ning yangi futbolchisi Dembele bilan yonma-yon o‘tirgan holda kuzatdi va har zamon beparvolik bilan tabassum qilib turdi. Bu rahbariyatga bosim va uni ulug‘vorlik bilan jimgina haqorat qilishmi? Canal+ o‘z insaydini berdi — shartnomani yangilash bo‘yicha muzokaralar qayta boshlanish arafasida va tomonlar munosabatlarini tiklashga harakat qilib ko‘radi.

Maydonda esa amaldagi chempionlar «Loryan» mudofaasini buzishga besamar urindi. Ko‘pchilik Enrike boshqaruvidagi Ispaniyaning so‘nggi o‘yinlarini yodga olishdi. To‘pga egalik qilish bo‘yicha total ustunlik, lekin hujumda samarasiz harakatlar. Masalan, shanba kuni parijliklar liga 1ning, Opta kompaniyasi o‘z hisoblarini yuritishni boshlaganidan buyon (2006 yildan) bir o‘yinda mingdan ortiq uzatma bergan ilk jamoasiga aylandi. Ammo natija — nolga teng. Mbappe bilan yarashish vaqti kelmadimi?

Kun statistikasi

• «Bornmut»ning yangi hujumchisi Jastin Klyuyvert Yevropaning olti yetakchi ligasida (Niderlandiyani ham qo‘shganda) o‘ynagan Kristian Poulsendan keyingi 2-futbolchi bo‘ldi.
• Yigirma yildan buyon ilk bor «Ayaks» safida 4 futbolchi dastlabki turda debyut qildi.
• 17 yoshu 274 kun — «Nyurnberg» yarimhimoyachisi Jan Uzun. U bundesligaga asos solingan 1963 yildan buyon Germaniya kubogida het-trik qilgan eng yosh o‘yinchiga aylandi.
• 23 raza pri 24 popytkax «Shalke» bu asrda Germaniya kubogida 24 urinishdan 23 tasida birinchi bosqichdan o‘ta oldi. Jamoa «Bavariya» rekordini takrorladi, ammo myunxenliklar sentabrga ko‘chirilgan o‘yinda g‘alaba qozonish orqali o‘z seriyasini davom ettirishi mumkin.
• «Luton» Angliya yuqori divizionida 31 yildan buyon gol urmayapti.
• Fransiyalik yarimhimoyachi Kamavinga «Real» safidagi o‘yinlari sonini 100 taga yetkazib qo‘ydi.