Kilian Mbappe «PSJ»dagi faoliyatini davom ettiradi.
Parij klubi rasmiy sayti Kilian Mbappe «Loryan»ga qarshi o‘yindan (0:0) keyin yakshanba kunidan boshlab mashg‘ulotlarga qaytganini e’lon qildi.
«Loryan»ga qarshi o‘yindan oldin klub va Kilian Mbappe o‘rtasidagi konstruktiv va do‘stona muzokaralardan keyin jamoa hujumchisi yana tarkibga qaytarildi va yakshanba kungi mashg‘ulotlarga qo‘shildi», - deyiladi Parij klubi xabarida.
Qayd etilishicha, «PSJ» Kilianni 2024 yilda «Real»ga o‘tishini kafolatlagan holda u bilan kelishuvni 2025 yilga qadar uzaytirishni istamoqda.
Eslatib o‘tamiz, Mbappe Yaponiyada o‘tgan mavsum oldi turnega jo‘nab ketish oldidan Parij klubi tarkibidan chetlatilgandi. Bunga futbolchining klub bilan shartnomasini uzaytirmay, 2024 yilda jamoani erkin agent sifatida tark etish rejasi sabab bo‘lgandi.
