Veolia Energy Toshkentdagi issiqlik tarmoqlarida texnik audit o‘tkazmoqda

Veolia Energy Tashkent kompaniyasi Toshkent shahridagi issiqlik tarmoqlarida texnik audit o‘tkazyapti.

Kompaniya xabariga ko‘ra, auditning joriy ma’lumotlari issiqlik tarmoqlari va inshootlari texnik holatini aniqlash imkonini beradi, shuningdek, issiqlik ta’minoti tizimini modernizatsiya qilish bo‘yicha investitsiya dasturini optimallashtirish va shahar issiqlik ta’minoti sxemasini ishlab chiqish uchun asos bo‘lib xizmat qiladi.

Ma’lum qilinishicha, ish uchun geografik axborot tizimlari va veb-ilovalar yordamida zamonaviy nazorat usullari qo‘llaniladi.

Ushbu ishlar doirasida Veolia Energy Tashkent kompaniyasi texnik xodimlarni yollash va o‘qitishni amalga oshirmoqda.