Bu yerda Janubiy Afrika va Braziliya prezidentlari, Hindiston bosh vaziri, sammitdagi chiqishini so‘nggi daqiqada bekor qilgan Xitoy raisi va Xalqaro jinoiy sud tomonidan hibsga olish uchun order berilgani sababli Janubiy Afrikaga safarini bekor qilgan Rossiya prezidentining vakili bo‘lgan Rossiya tashqi ishlar vaziri Sergey Lavrov bor edi.
Chiqish qildi, ammo kelmadi
Videoaloqa orqali chiqish qilgan Rossiya prezidenti, Ukrainadagi urush boshlanishi haqidagi o‘z versiyasini yana bir bor takrorladi.
Uning so‘zlariga ko‘ra, inqirozga ayrim mamlakatlarning mustamlakachilik siyosatini davom ettirayotgani sabab bo‘lgan va ularning «dunyo gegemonligini saqlab qolish» istagi 2014 yilda Ukrainada «to‘ntarish»ga olib kelgan, shundan so‘ng G‘arb go‘yoki Rossiya javob berishi kerak bo‘lgan urushni «boshlagan».
«Rossiya insonlarni o‘z madaniyati, an’analari, tili va kelajagini saqlab qolish uchun kurashda qo‘llab-quvvatlashga qaror qildi», degan Rossiya prezidenti «DXR» va «LXR»ga ishora qilib.
Putin urush deb atashdan qochadigan Rossiyaning Ukrainadagi harakatlari, uning so‘zlariga ko‘ra, «G‘arb Donbass aholisiga qarshi boshlagan urushga chek qo‘yish» uchun amalga oshirilgan.
O‘z chiqishini G‘arbga qarshi ayblovlar bilan yakunlagan Vladimir Putin BRICS sammiti «xalqaro huquq va BMT nizomi asosidagi dunyo tartibini qo‘llashi» va xalqlarning mustaqil rivojlanish huquqini himoya qilishini eslatib o‘tishga qaror qilgan.
Shuningdek, u BRICS’ning ustuvor vazifasi Rossiya portlarini Fors ko‘rfazi va Hind okeanidagi yuk terminallari bilan bog‘laydigan yangi, ishonchli va xavfsiz transport yo‘llarini yaratish bo‘lishi kerakligini aytgan.
Putin ilm-fan, innovatsiyalar, sog‘liqni saqlash, ta’lim va umuman, humanitar aloqalarni rivojlantirish kabi sohalarda ham hamkorlikni kuchaytirish zarurligini ta’kidladi.
U yig‘ilganlarga BRICS’ning navbatdagi sammiti 2024 yil oktyabr oyida Rossiyada, aniqrog‘i Qozonda o‘tkazilishi rejalashtirilayotganini xabar qilgan.
Keldi, ammo chiqish qilmadi
