Mamlakatimizda aholi soni muttasil ravishda o‘sib borayotgani, so‘nggi yillarda milliy iqtisodiyotni rivojlantirish, yangi ish o‘rinlari yaratish va shu orqali aholi farovonligini oshirish maqsadida ko‘plab zamonaviy, yangi sanoat korxonalari paydo bo‘layotgani, tabiiyki, elektr energiyasiga bo‘lgan talabni ham oshirmoqda.
Ta’kidlash joizki, bugungi kunda elektr energiya resurslarini ishlab chiqarishda qayta tiklanadigan energiya manbalaridan foydalangan holda yangi ekologik toza ishlab chiqish quvvatlarini tashkil etish, sohada zamonaviy texnologiyalardan keng foydalanish va shu asosda korxonalar va aholining elektr energiyaga bo‘lgan ehtiyojini yanada to‘laroq qondirishni ta’minlash muhim vazifa hisoblanadi.
Taraqqiyot yo‘lidan dadil odimlayotgan yangi O‘zbekistonda keng ko‘lamli islohotlar qatorida milliy iqtisodiyotimizning muhim quvvat manbai hisoblangan gidroenergetika tarmog‘i ham izchil rivojlanmoqda.
Bu borada, “O‘zbekgidroenergo” AJ tomonidan yangi GESlar barpo etilmoqda hamda investitsiyaviy loyihalar doirasida uzoq yillardan buyon foydalanib kelinayotgan, o‘zining o‘rnatilgan elektr energiya ishlab chiqarish quvvatlarini yo‘qotgan GESlar modernizatsiya qilinib, yangi samarador quvvatlar o‘rnatilmoqda.
30 avgust kuni davlatimiz mustaqilligining 32 yilligi arafasida “Toshkent GESlar kaskadi” unitar korxonasi tarkibidagi 100 yoshga teng Bo‘zsuv GES-1 modernizatsiyadan so‘ng, yangilangan energetik quvvatda ishga tushirilishiga bag‘ishlangan tadbir o‘tkazildi.
Tadbirni “O‘zbekgidroenergo” AJ Ijro apparati rahbari Suhrob Xamrayev hamda Yunusobod tumani hokimi Bahodir Abduvaliyev tabrik nutqi bilan ochib berdi.
Marosimda Toshkent shahar Yunusobod tumani hokimligi mutasaddilari, Jamiyat tizim korxona va tashkilotlari vakillari, hamkor xorijiy kompaniyalar mas’ullari, gidroenergetik muhandislar hamda markaziy telekanallar, bosma va elektron OAV vakillari ishtirok etdi.
Bo‘zsuv GES-1 ning avvalgi o‘rnatilgan quvvati 4 MVt (
