Fransiyada 100 foizlik natija, Qozog‘iston holatini qiyinlashtirdi. Yevro-2024 saralashi

B guruhi

Favoritlar foydasiga 5:0

Fransiya — Irlandiya 2:0
Gollar: Tchuameni (19), Tyuram (48). 
Fransiya – Menyan, Kunde (Pavar, 90), L.Ernandes (Saliba, 73), Upamekano, T.Ernandes, Rabo, Tchuameni, Dembele (Koman, 73), Jiru (Tyuram, 26), Grizmann (Kamavinga, 90), Mbappe.
Irlandiya – Bazunu, Daffi, Igan, Kollinz, Stivens (Makkleyn, 46), Braun, Kallen, Molambi (OShi, 68), Nayt, Ogbene (Ebosele,84), Ida (Kin, 68; Konnolli, 78).

Saralash turnirida Fransiyaning g‘alabali marshi davom etadi, ammo «uchranglilar» uchun navbatdagi o‘yin muammosiz kechmadi va birinchi bo‘lim o‘rtalaridayoq Jiru jarohat oldi. Faxriy futbolchiga hamdard bo‘lish bilan birga uning o‘rniga tushgan Markus Tyuramning o‘yini ochilganidan quvonish ham mumkin. Shu kuni «Park de Prenss» tribunasida o‘tirgan JCh-1998 g‘olibi Lilian Tyuramning o‘g‘li dam olish kunlarida «Inter» safidagi debyut golini urgandi, bu safar esa milliy jamoa safidagi gollari hisobini ochdi.

U shu oqshom omad kulib boqmagan Mbappedan o‘tib ketgan to‘pni darvozaga yo‘lladi. Kilian navbatdagi qulay vaziyatni yo‘qqa chiqarganiga kinoyali munosabat bildirdi, ammo u shu kuni baribir o‘z saviyasini namoyish etdi va assistentlik balli ishlab, samarali o‘yinlari seriyasini 13 taga yetkazdi. Lekin golda asosiy ishni qaytarib bo‘lmas yo‘llagan Tshuameni bajardi. «Real»da bu havbek faqat qora ishlar bilan mashg‘ul, milliy jamoada hali ko‘p o‘ynamaganiga qaramay, uchta gol urib ulgurdi. Tshuamenining zarbasi Fransiya milliy jamoasining tarixiy 900-o‘yini bezagiga aylandi. Bu uchrashuvdagi g‘alabadan keyin fransuzlar Yevropa chempionati yo‘llanmasini deyarli hal qilishdi - ikkinchi o‘rindagi niderlandlar bilan oradagi farq 9 tani tashkil etmoqda.

Niderlandiya — Gretsiya 3:0
Gollar: de Ron (17), Gakpo (31), Veghorst (39). 
Niderlandiya – Flekken, Dumfris (de Ligt,84), van Deyk, Ake (de Vrey, 46), Gertryuyda, Blind, de Ron (Reynders, 65), de Yong (Verman,77), Simons, Gakpo (Lang, 65), Vegorst.
Gretsiya – Vlahodimos, Rota (Yannulis, 69), Xatsidyakos, Retsos, Tsimikas, Bakasetas (Buxalakis,87),Mantalos, Kurbelis (Kulerakis, 70), Siopis, Masuras (Funtas, 70), Pavlidis (Yakumakis, 73).

Ronald Kuman jamoaga qaytganidan keyin bir joyda depsinib qolgan niderlandlarning ishlari yana yurisha boshladi va guruhdagi to‘g‘ridan to‘g‘ri raqib mag‘lub etilganidan keyin ikkinchi o‘ringa chiqib olishdi. Lui van Gaal kuzatishga kelgan o‘yin boshidayoq de Ron milliy jamoadagi ilk golini urdi. Gretsiya esa deyarli qarshilik ko‘rsatmadi.

Ellinlar saralash siklini qatorasiga ikki g‘alaba bilan boshlagan va Fransiya bilan tengma-teng kurashgan (0:1) jamoaga aslo o‘xshamasdi. Birinchi bo‘lim oxiriga yetmasdan mehmonlar nokaut holatiga tushishdi. Dyumfris ikki ideal uzatmasi bilan o‘yin masalasini hal qildi. Ushbu himoyachi avvaliga uzoq ustun oldida bo‘sh qoldirilgan Gakponi to‘p bilan ta’minladi, keyingi vaziyatda to‘pni qanotdan baland bo‘yli Veghorstga oshirib berdi.

10 sentabr. Gretsiya — Gibraltar, Irlandiya — Niderlandiya.

G guruhi

Belgraddagi kambek

Serbiya — Vengriya 1:2
Gollar: Salai (10, avtogol) — Varga (34), Orban (36). 
Serbiya – Milinkovich-Savich, Velkovich, Pavlovich, Gudel, Radonich (Jivkovich, 46), Kostich (Mladenovich, 46), Milinkovich-Savich, Maksimovich (Milenkovich, 64), Tadich (Ilich,86), Mitrovich, Vlahovich (Yovich, 87). 
Vengriya – Dibus, Nego, Orban, Lang, Salai, Kerkez (Fiola, 70), Shallai (Chobot,90+6), Nad (Kata,77), Soboslai, Staylz, Varga (Adam, 77). 

Belgradda guruh yetakchiligi uchun jang Serbiya uchun ideal darajada boshlangandi. O‘yindan oldin Mitrovichga Millatlar Ligasining eng yaxshi to‘purari uchun sovrin topshirildi, mezbonlar 10-daqiqadayoq avtogol evaziga hisobda oldinga chiqib olishdi. Ammo vengrlar tanaffusga qadar o‘yinda burilish yasay olishdi, ikkinchi bo‘limda esa mardonavor ko‘rsatib, g‘alabali hisobni ushlab qolishdi. Vaziyatlardan birida Dibus Vlahovichning qulay pozitsiyadan yo‘llagan zarbasiga aql bovar reaksiya ko‘rsatdi, boshqa hujumlarda esa mehmonlar jarima maydonini qamal qilgan serblarga so‘nggi nuqtani qo‘yishda aniqlik yetishmadi. Parallel kechgan uchrashuvda litvaliklar chernogoriyaliklar bilan durang o‘ynagani Serbiya foydasiga ishladi, bu durang tufayli Dragan Stoykovich jamoasi bolqonlik raqobatchilaridan ikki ochkolik farq bilan oldinda joylashgan.

Litva — Chernogoriya 2:2
Gollar: Paulauskas (71), Chernix (90+4) — Krstovich (78), Savich (89).

10 sentabr. Chernogoriya — Bolgariya, Litva — Serbiya.

N guruhi

Qozog‘iston to‘rtinchi o‘ringa tushib ketdi, endi ularning xato qilishga haqqi yo‘q

Qozog‘iston – Finlandiya 0:1
Gol: 0:1 – 78 Antman.
Qozog‘iston – Shatskiy, Skvorsov (Tapalov, 67), Bistrov, Marochkin, Alip, Vorogovskiy (Dosmagambetov, 82), Darabayev (Orazov, 67), Tagibergen, Kuat, Zaynutdinov (Chesnokov, 82), Aymbetov (Samorodov, 46).
Finlandiya – Gradetski, Alxo, Yyensen, Xoskonen, Ivanov, Niskanen, Shyuller (Kamara, 67), Kayrinen, Antman (Teylor, 85), Pukki (Chellman, 67), Poxyanpalo.

Qozog‘iston milliy jamoasi shu kunga qadar – N guruhining kutilmagan peshqadami bo‘lib turgandi. Magomed Adiyev boshqaruvidagi jamoa to‘rt o‘yinda to‘qqiz ochko jamg‘argan va turnir jadvalida Daniya, Sloveniya, Shimoliy Irlandiya va San-Marinoni ortda qoldirayotgan, ammo Finlandiya bilan birinchi o‘rinni bo‘lishib turgandi. Navbatdagi tur aynan finnlarga qarshi edi. Tur arafasida kuchlar nisbati o‘ziga xos edi, kamida bir ochko olinishi Qozog‘istonga top-2 uchun imkoniyat qoldirar, mag‘lubiyat esa jamoa ambitsiyalariga katta tahdid yuzaga keltirardi.

O‘yinning ilk daqiqalaridanoq kurash boshlandi. Qozog‘istonliklar yetakchisi Baxtiyor Zaynutdinovda yaxshi zarba bo‘ldi, ammo birinchi bo‘limda mezbonlarda boshqa xavfli vaziyatlar kuzatilmadi. Finlandiya esa to‘p bilan faolroq harakat qildi.

Mehmonlar forvardi Teemu Pukkida vaziyatlar bo‘ldi, Ilmari Niskanenning zarbasi ham xavfli chiqdi. Bo‘lim oxiriga kelib Finlandiya darvozani ham ishg‘ol etgandi. Ammo arbitr Radu Marian Petresku VAR hakamlari bilan maslahatlashib, golni bekor qildi, hujum vaqtida to‘p maydon tashqarisiga chiqib ketgani ma’lum bo‘ldi. Umuman olganda, dastlabki 45 daqiqalikdagi o‘yin tomoshabop  emasdi. Buni statistika ham tasdiqlaydi: zarbalar bo‘yicha Qozog‘iston foydasiga 3 – 2. O‘yin durangga qarab ketayotgandi.

Ikkinchi bo‘limni Finlandiya faollik bilan boshladi. Mehmonlar to‘pga ko‘proq egalik qilishdi, darvoza sari dadillik bilan zarbalar berishdi va sovuqqonroq harakatlanishdi. Nima bo‘lganda ham finnlar – Yevro–2020 ishtirokchisi, ularning safida tajribali jangchilar bor. Qozog‘istonda esa qaysi pallada raqibni hujumlar bilan bosib tashlash, qaysi pallada xotirjam himoyalanish kerakligi borasida aniq tushuncha ko‘rinmasdi. Finlandiyada 62-daqiqada yana bir ajoyib vaziyat yuzaga keldi. Ularning qarshi hujumi Rasmus Shullerning kuchli zarbasi bilan yakunlandi, ammo darvozabon Igor Shatskiy jamoasini goldan qutqardi.

Ammo u 78-daqiqada baribir ojiz qoldi. Finlandiyaning navbatdagi kombinatsiyasini yarimhimoyachi Oliver Antman aniq zarba bilan yakunladi. Bu ikkinchi bo‘limdagi 30 daqiqalikning mantiqiy yakuni edi.

Finnlar goldan keyin ham bosim qilishda davom etishdi. Mezbonlarda ham vaziyatlar bo‘ldi. Avvaliga, Ramazan Orazovning o‘ng qanotdan bergan uzatmasiga oyoq qo‘yadigan futbolchi topilmadi, keyin burchakdan to‘p oshirib berilganida vaziyat xavfli tus oldi. Ammo mezbonlarda javob qaytarish uchun vaqt yetarli emasdi va jamoa saralash bosqichida ikkinchi bor o‘z uyida mag‘lub bo‘ldi.

Daniya — San-Marino 4:0
Gollar: Hyoyberg (26), Mele (28), Vind (40), Poulsen (90+4). 
Daniya – Shmeyhel, Larsen, Kiyer, Andersen, Mele, Eriksen, Hyoyberg (Hoylund, 59), Yyensen (Yulmand, 58), Lindstrem (Vallyus, 72), Olsen (Breytueyt, 58), Vind (Poulsen, 82). 

Qozog‘istonning uydagi mag‘lubiyati tufayli kutilmaganda Finlandiya guruhda yaqqol peshqadamga aylanib qoldi. Qozog‘istonliklar esa Daniya va Sloveniyaning kutilgan g‘alabalaridan keyin to‘rtinchi o‘ringa tushib ketdi. Skandinavlarning San-Marinoga qarshi o‘yini jamoa to‘purar Hoylundning gollari sonini oshirib olishi uchun imkon edi, ammo murabbiy yaqinda jarohatidan tuzalgan futbolchini ayashga qaror qildi va u faqat ikkinchi bo‘limda Vinn o‘rniga tushdi, shuningdek, «Barselona» iltimosi bilan ham himoyachi Kristensen zaxirada qoldirildi.

O‘yindagi eng yorqin lahzalardan biri Kristian Eriksenning Melega bergan golli uzatmasi bo‘ldi, uning tovoni bilan yo‘llagan pasi uch himoyachidan o‘tib jarima maydoniga yorib kirgan himoyachining oyoqlariga borib tushdi. Eriksen shu kuni urilgan to‘rt goldan uchtasiga assistentlik qildi.

🇩🇰 This Christian Eriksen assist 🤤#EQSkills | @HisenseSpors pic.twitter.com/puN9YvzziV

— UEFA EURO 2024 (@EURO2024) September 7, 2023

Sloveniyaliklarda esa 20 yoshli hujumchi Sheshkoning navbatdagi benefisi bo‘lib o‘tdi. Yozda «Zalsburg»ni «Leypsig»ga almashtirgan forvard o‘zi ham gol urib, yana ikki golga uzatma berdi.

Sloveniya — Shimoliy Irlandiya 4:2
Gollar: Shporar (3, 56), Stoyanovich (17), Sheshko (42) — Prays (7), Evans (53).
Sloveniya – Oblak, Stoyanovich, Karnichnik, Brekalo, Biyol, Yanja, Gnezda-Cherin, Elshnik, Shporar, Sheshko, Mlakar (Kurtich, 74).
Shimoliy Irlandiya – Pikok-Farrell, Hyum, Evans, Makneyr, Braun (Ketkart, 20; Smit, 76), Makmenamin, Sevill, Prays (Makkenn, 64), Charlz, Charlz (Majyennis, 46), Kennedi (Uoshington, 46).

10 sentabr. Qozog‘iston — Shimoliy Irlandiya, Finlandiya — Daniya, San-Marino — Sloveniya.

Ye guruhi

Levandovski gol urishda davom etdi

Chexiya — Albaniya 1:1
Gollar: Cherniy (56) — Bayrami (66). 
Chexiya – Pavlenka, Tsoufal, Brabets, Golesh, Kreychi, Provod, Souchek, Kral, Cherni (Glojyek, 71), Kuxta (Yurechka, 71), Chvanchara.
Albaniya – Berisha, Hyusay, Jimshiti, Ismayli, Mitay, Bayrami, Ramadani, Aslani (Bare, 69), Asani (Muya, 70), Tsikaleshi (Daku, 59), Seferi.

Chexiya o‘z uyida Albaniyaga qarshi kechgan o‘yinda ochko yo‘qotib, guruhda raqobatchilarini katta farq bilan ortda qoldirib ketish imkonini qo‘ldan chiqardi. Mezbonlar birinchi bo‘limda to‘liq ustunlik qilishdi va ikkinchi bo‘lim boshida Cherniy hisobni ochishi o‘yin mantig‘iga to‘la mos edi. Ammo shundan keyin mehmonlar faollashdi va Kral o‘z jamoasi jarima maydonida to‘p yo‘qotishi Bayrami ijrosida «to‘qqizlik» aniq nishonga olinishi bilan yakunlandi. Qolgan vaqt davomida Berisha bir necha ajoyib seyvlar bilan jamoasi safardan ochko olib qaytishini ta’minladi.

Polsha — Farer orollari 2:0
Gollar: Levandovski (73 penalti, 83). 
Polsha – Shchensni, Bereshinski (Shimanski, 59), Kendzera, Bednarek, Kiver, Skuras (Vsholek, 46), Kaminski, Krixovyak, Zelinski, Levandovski, Milik (Sviderski, 60).

Farer orollari vakillari sensatsiya ko‘tarishga yaqin edi. Qolaversa Fernandu Santush boshqaruvga kelganidan keyin Polsha zerikarli o‘ynamoqda va Moldavaga ham mag‘lub bo‘ldi. Ammo bu safar polyaklarga omad kulib boqdi va to‘p bexosdan jarima maydoni ichidagi himoyachining qo‘liga tegib ketdi. Levandovski penaltini aniq ijro etganidan mehmonlar taslim bo‘lishdi va hujumchi qolgan daqiqalar davomida milliy jamoadagi gollari sonini yana bittaga oshirib oldi.

10 sentabr. Farer orollari — Moldava, Albaniya — Polsha.