Vazirlar Mahkamasi qarori bilan maxcyc iqtisodiy zonalar hududida investorlarga davlat xizmatlarini ko‘rsatishning ma’muriy reglamenti tasdiqlandi.
Mazkur hujjat bilan 2023 yil 1 dekabrdan quyidagi davlat xizmatlari, YaIDXP va davlat xizmatlari markazlaridan tashqari, maxsus iqtisodiy zonalar direksiyasi tomonidan ham amalga oshiriladi:
- investitsiya loyihalarni joylashtirish;
- ishtirokchilarni ro‘yxatga olish;
- investitsiya loyihalarni amalga oshirish va ijara shartnomalarini imzolash.
Ushbu qaror bilan tegishli davlat xizmatlarini ko‘rsatish reglamenti tasdiqlanmoqda.
Ariza va ilovalarni qabul qilgandan so‘ng, direksiya:
- 10 kun ichida investitsiya loyihasini amalga oshirish haqida qaror qabul qiladi;
- loyiha uchun talab etiladigan yer maydoni va binoni onlayn-auksionga chiqaradi;
- auksion g‘olibi bilan investitsiya loyihasini amalga oshirish haqida shartnoma imzolaydi;
- kerakli hujjatlar va bir marotabalik yig‘imni taqdim etgandan so‘ng investorni maxsus iqtisodiy zona ishtirokchisi sifatida ro‘yxatga oladi.
