Zelenskiy 21 sentabrda Jo Bayden bilan uchrashadi

Ukraina prezidenti Volodimir Zelenskiy Nyu-Yorkda o‘tadigan BMTning Bosh assambleyasida ishtirok etadi. Bu haqda NBC nomi ochiqlanmagan ukrain amaldoriga tayanib xabar bermoqda.

Qayd etilishicha, Zelenskiy 21 sentabr kuni AQSh prezidenti Jo Bayden bilan ko‘rishadi. AP ma’lumotiga ko‘ra, ikki davlat yetakchisi o‘rtasidagi uchrashuv Oq uyda bo‘lib o‘tadi.

Bayden va Zelenskiy so‘nggi bor joriy yil iyulida NATOning Vilnyusda o‘tgan sammitida uchrashgandi.

Avgust oyida AQSh Davlat kotibi Entoni Blinken Kongressdan prezident Baydenning Ukrainaga qo‘shimcha 24 mlrd dollar yordam paketi bo‘yicha so‘rovini ma’qullashni so‘ragandi. Pentagon esa sentabrda Kiyevga ko‘rsatilayotgan harbiy ko‘makni nazorat qiluvchi guruh tuzdi.