Avaz Marahimov Nurafshon davlat universiteti rektori etib tayinlandi

Avaz Marahimov 2010—2011 yillarda O‘zbekiston Xalq ta’limi vazirligiga rahbarlik qilgan, undan avval esa oliy va o‘rta maxsus ta’lim vaziri o‘rinbosari sifatida mehnat qilgan. 

U 2016-2020 yillarda O‘zbekiston Milliy universiteti rektori bo‘lib ishlagan. 2021 yildan shu kunga qadar Termiz davlat universiteti rektori sifatida ishlab kelayotgan edi.

Ma’lumot uchun, Nurafshon davlat universiteti davlat oliy ta’lim muassasasi hisoblanadi hamda Oliy ta’lim vazirligi tizimida faoliyat yuritadi.