Germaniyada Der-Klasiker, Londonda derbi, «Arsenal» va «Barsa»da qiyin safar o‘yini. Hafta o‘yinlari anonsi
|19:24 / 04.11.202321 82516 min
Navbatdagi turlarda ham Yevropada bir qator qiziqarli to‘qnashuvlar kutib turibdi. Tuxelning Dortmundga, Pochettinoning «Tottenhem» stadioniga mehmon jamoa murabbiy sifatida tashrifi ham alohida e’tiborga arzishi turgan gap. «Sent-Jyeyms Park»da esa doim o‘ziga xos tarixiy voqea va ssenariylarni taqdim etadigan ajoyib qarama-qarshilik bizni kutib turibdi.
Foto: Getty imagesFoto: Getty images
ATALANTA — INTeR (4 noyabr, 22:00)
Bir qator qiziqarli statistik faktlar ushbu uchrashuvga alohida e’tibor qaratishni taqozo qiladi, zero ushbu mavsumda odatiy tus olgan ba’zi seriyalarga aynan mana shu o‘yin barham berishi mumkin. Masalan, bergamoliklar chempionatda hali uy uchrashuvlarida birorta ham gol o‘tkazib yuborgani yo‘q, «Inter» esa safarda yuz foizlik natija qayd etmoqda va 10 gol urib, biror marta ham o‘tkazib yubormagan. Umuman butun kuchli beshlikda «Inter» faqat «Nitssa»dan kamroq gol o‘tkazgan xolos – 5 marta.
«Atalanta» maydonida o‘tgan o‘zaro uchrashuvlarda esa, oxirgi to‘rt uchrashuvdan beri mezbonlar g‘alaba qozona olmayapti. Umumiy statistikada ham «Inter» oldinda: oxirgi 25 uchrashuvda 10 marta milanliklar, besh marta «Atalanta» ustun kelgan. O‘tgan mavsumda esa, har ikki o‘yin bir xil 3:2 hisobida «Inter»ning g‘alabasi bilan yakunlangandi.
Mezbonlar uchun ushbu uchrashuvning ahamiyati shundaki, Gasperini shogirdlari oxirgi turlardagi muvaffaqiyatli natijalardan so‘ng ochkolar sonini 19 taga yetkazib, 4-o‘ringa ko‘tarilib olishdi. Bu o‘yindagi g‘alaba jamoani peshqadamlar uchligiga ancha yaqinlashtirib qo‘yadi. Aksincha, mag‘lubiyat uchlik bilan o‘rtadagi uch ochkolik farqni yanada oshirib, orqada kelayotgan ta’qibchilarga qo‘shilib ketishga sabab bo‘lishi mumkin. A Seriyadagi uch uy uchrashuvi ketma ket «Inter», «Napoli» va «Milan» bilan ekani qaysidir ma’noda yaxshi imkoniyat, boshqa tomondan biroz omadsizlik ham. Jamoa bu vaziyatdan qanday foydalana olishiga ko‘p narsa bog‘liq.
Jarohatlarga kelsak, «Atalanta» safida deyarli yo‘qotish yo‘q, faqat himoya markazida Skalvinining yo‘qligi sezilishi mumkin. 19 yoshli himoyachi o‘tgan mavsumdan buyon jamoaning asosiy futbolchilaridan biriga aylangandi. «Empoli»ga qarshi o‘tgan turdagi jarohat shu oyning oxirigacha tiklanmasa kerak. «Inter» esa Arnautovich va Kuardadoning yordamidan foydalana olmaydi. Bu futbolchilar shundog‘am yozda tarkibga yangi qo‘shilganini inobatga olsak, yo‘qotishlar yo‘q desa ham bo‘ladi.
NYuKASL — ARSeNAL (4 noyabr, 22:30)
Tarixan olganda ham, «Nyukasl» va «Arsenal» to‘qnashuvi APL klassikalaridan biri. «Nyukasl»ning o‘sha mashhur, 0:4 ni 4:4 ga aylantirgan kambekini aytamizmi, Uolkott benefisiga aylangan 7:3 nimi, doim chempionatning bezagi bo‘lib bergan. Hatto turnir tarixidagi eng chiroyli gollardan biri bo‘lmish Bergkampning shedevri ham aynan «Nyukasl» darvozasiga kiritilgandi. Yaqinda, aniqrog‘i, ikki yil oldin, «Arsenal» ajoyib mavsum o‘tkazib, uzoq tanaffusdan so‘ng, YeChLga qaytishga juda yaqin turganida ham, aynan «Nyukasl» Arteta shogirdlarini chalib qolgan, 2:0 hisobi «Tottenhem»ga imkoniyat eshiklarini ochib bergandi.
Mavzuga oid
Ushbu mavsum nuqtayi nazaridan olganda ham, o‘yin o‘ta prinsipial – «Arsenal» «Tottenhem»ni quvishda davom etmoqda va tabiiyki, ochko yo‘qotishga haqqi yo‘q. «Nyukasl» esa Vulverhemptonda ochko yo‘qotgach, kuchli beshlik bilan masofa 5 ochkoga yetib qoldi. Agar farq yanayam kattalashib ketsa, keyinchalik yetib olish juda qiyin bo‘lishi shubhasiz. Mana shu bir oyning ichida jamoa «Arsenal»dan tashqari «Chelsi» va «Manchester Yunayted» bilan ham o‘ynaydi. Mana shu o‘yinlar tabiiyki, Eddi Hau jamoasining joriy mavsumdagi istiqbolini belgilab beradi.
Aynan ushbu mavsum ko‘p jihatdan hal qiluvchi bo‘lishiga ham sabab bor. «Nyukasl» o‘tgan mavsumni 4-o‘rinda tugatgan bo‘lsa-da, bu safar qiyinroq bo‘lishi taxmin qilingandi. Chunki o‘tgan yildan farqli ravishda endi yevrokuboklar ham bor, bir necha frontda kurashish har bir o‘yinda yuqori jismoniy tayyorgarlikni saqlashda qiyinchilik tug‘diradi. Bu faktor esa, «Nyukasl» uchun ayniqsa, juda muhim. Afsuski, aynan markazda rotatsiya imkonini beruvchi asosiy transfer bo‘lmish Sandro Tonali o‘n oylik diskvalifikatsiyaga uchradi. Kelasi haftada esa jamoani Dortmundga muhim safar kutib turibdi. Bu shartlarda har o‘yinda maksimal natijani ko‘rsatish oson emas.
Boshqa tarafdan, hafta o‘rtasida bo‘lib o‘tgan Liga kubogi Eddi Hau zaxirasida ham foyda keltirishi mumkin bo‘lgan futbolchilar borligini ko‘rsatib berdi. Ha, hozir «Manchester Yunayted» yaxshi holatda emas, ammo shundayam «Old Trafford»da yirik g‘alaba – katta natija. «Nyukasl» bunga deyarli ikkinchi tarkib bilan erishgani e’tirofga loyiq. Masalan, «Arsenal» ham ushbu turnirda «Vest Hem» bilan o‘ynadi va 1:3 yutqazib, musobaqani tark etdi.
Yuqorida aytilganidek, ko‘p frontda o‘ynashning oqibati o‘laroq, har ikki tomonda ham jarohatlar yetarli. Markaziy himoyachi Botman, shuningdek, Jakob Myorfi, Xarvi Barns, Anderson, Isaak kabi futbolchilar «Nyukasl» tarkibida maydonga tusha olishmaydi. Mezbonlar esa, Timber, Parti, Smit-Roudan tashqari, Gabriyel Jyezusning yordamidan ham foydalana olmasligi muammo tug‘dirishi mumkin. O‘tgan turda Nketia Jyezusning o‘rniga tushib, xet-trik qayd etganini e’tiborga olsak, balki bu yo‘qotish uncha sezilmasligi mumkin.
BORUSSIYa D – BAVARIYa (4 noyabr, 22:30
Der-Klasiker bu safar ajoyib start olgan «Bayyer» fonida o‘tayotgani intrigani yanayam kuchaytiradi. Chunki endi turnir jadvalida oldinda borayotgan jamoa durangni ushlab, peshqadamlikni saqlab qolishga urinmaydi. «Borussiya» ham, «Bavariya» ham ta’qibchi rolida bo‘lgani uchun faqat g‘alaba uchun maydonga tushishga majbur. Bundan esa, faqat muxlislar yutadi, albatta.
Buning ustiga, Bundesligada hali mag‘lubiyat nimaligini bilmay, Chempionlar Ligasida yuz foizlik natija qayd etayotgan «Bavariya» kuni kecha Germaniya kubogi navbatdagi bosqichida uchinchi liga jamoasiga yutqazib qo‘ydi. «Tottenhem»dan aynan sovrinlar yutish uchun kelgan Harri Keyn ikki oy ichida ham superkubokni boy bergani, endi, kubokdan chiqib ketgani biroz kulgili. YeChL da vazifani deyarli uddalagan myunxenliklar endi bor imkoniyatni ichki chempionatga qaratishi turgan gap. Darvoqe, «Borussiya» ham Bundesliga bahslarida hali mag‘lubiyatga uchramaganini ta’kidlash kerak.
«Hoffenhaym»ga qarshi kubok bahsida Marius Volf jarohat oldi va himoyachi katta ehtimol bilan ushbu bahsni o‘tkazib yuboradi. Mehmonlar safida yo‘qotishlar ko‘proq. O‘tgan turda Kimmix maydondan chetlatilgan va uning diskvalifikatsiyasi davom etmoqda. Matteys De Ligt esa yuqorida eslangan mag‘lubiyatli uchrashuvda jarohat oldi va kamida yil oxirigacha safdan chiqdi.
Yana bir fakt, 10 uchrashuvdan beri «Bavariya» dortmundliklarga yutqazmay kelmoqda. Tabiiyki, qo‘shimcha intrigalar ham bor – bir paytlar «Borussiya»ni muvaffaqiyatli boshqargan Tomas Tuxelning Dortmundga tashrifi alohida voqea. Murabbiy bahorda «Bavariya»ni qabul qilib olganda ham ilk uchrashuvini «Borussiya»ga qarshi o‘tkazgandi. Faqat o‘sha o‘yin Myunxenda bo‘lib o‘tgan va mezbonlarning 4:2 hisobidagi g‘alabasi bilan nihoyalangan.
ReAL SOSeDAD – BARSeLONA (5 noyabrga o‘tar kechasi, 01:00)
O‘tgan El-Klasiko qahramoni sifatida Bellinhemga bo‘lgan munosabatlar barchasini soyada qoldirgan bo‘lsa-da, tan olish kerak, o‘sha o‘yinda «Barselona» kamida durangga haqli o‘yin ko‘rsatgandi. Jamoa o‘yinning aksariyat qismida ustunlik qilgan, raqibga qaraganda ancha ko‘p vaziyatlar yaratgan edi. Umuman «Barselona» peshqadamlardan 4 ochko ortda qolgan holda 4-o‘ringa tushib ketgan bo‘lsa-da, biror inqiroz haqida gap bo‘lishi mumkin emas. «Barselona» mavsumdagi ilk mag‘lubiyatiga o‘tgan haftagina uchradi, shundayam bir qator ko‘rsatkichlar, hujumkorlik va yaratilgan vaziyatlar borasida hali ham jamoa La Ligada yetakchi bo‘lib turibdi. Levandovski, Rafinya, De Yong kabi tajribaliroq futbolchilarning qaytishi esa, tabiiyki, vaziyatlarni natijaga aylantirishda muhim ahamiyat kasb etadi va kutilayotgan o‘yinlarda «Barselona»ning natijalari ijobiy tomonga o‘zgarishiga ishonch katta. «Sosedad» esa to‘rtlikni ta’qib qilayotgan keyingi eshelon ichida eng yuqorida turgan jamoadir. Alguasil shogirdlari biroz soyada qolayotgan bo‘lishi mumkin, ammo natijalar jamoani osonlikcha yutib bo‘lmasligini ko‘rsatadi. Basklar ushbu mavsumda atigi ikki marotaba mag‘lubiyatga uchradi, ikkisi ham Madridda, «Real» va «Atletiko»ga qarshi o‘yinlarda ro‘y berdi.
Jamoa o‘z maydonidagi o‘yinlarda yutqazmayotganini shundan tushunish mumkin. Shuningdek, Chempionlar Ligasi o‘yinlarida jamoa guruhda peshqadamlik qilayotgani, asosan top-klublarga qarshi o‘zini yaxshi namoyish qila oladigan Kubo o‘tgan oyda La Liganing eng yaxshisi bo‘lganini ham e’tiborga olsak, «Barselona»ga oson bo‘lmaydi. Kataloniyaliklar ushbu mavsumda 5 safar o‘yinida atigi ikki marta uch ochkoni qo‘lga kiritganini ham ta’kidlash lozim.
Sosedaddagi uchrashuvlarni alohida olsak, «Barselona» bu yerda 2016 yildan beri yutqazmay kelyapti. Ammo so‘nggi o‘zaro o‘yinda «Kamp Nou»da basklar 2:1 hisobida g‘alaba qozonganini ham unutmaymiz.
Tarkiblarga to‘xtaladigan bo‘lsak, yuqorida aytilganidek, «Barselona»ning aksariyat futbolchilari safga qaytdi. Frenki De Yong ham qariyb bir yarim oy davom etgan tanaffusdan so‘ng, mashg‘ulotlarga qaytdi. Ammo bu o‘yinga qay darajada tayyor bo‘lishi ma’lum emas. Xavi asosiy tarkibda so‘nggi uchrashuvlarda maydonga tushayotgan futbolchilarga ishonishda davom etib tursa kerak. Mezbonlardan esa, Kiran Tirni va Andre Silva kabi futbolchilar lazaretda, ammo bu nomlar asosiy tarkib o‘yinchilari emasligi tufayli, yo‘qotishlar deyarli yo‘q, deb aytishimiz mumkin.
Bugungi kunda jamoalarni turnir jadvalida 10 pog‘ona va 14 ochko ajratib turibdi. Atigi 10 tur o‘tganini e’tiborga olsak, juda katta farq, go‘yoki favoritni aniq ko‘rsatib beradigan darajada, ammo aslida unday bo‘lmasligi mumkin. Chunki bir qator ko‘rsatkichlar, o‘yin darajasi turli raqamlar bilan tahlil qilinganda, «Tottenhem»ga biroz omad kulib boqayotgani, «Chelsi» esa, liganing eng omadsiz jamoalaridan biri ekanini ko‘rsatib turibdi. Shunda ham, albatta, «Tottenhem»ning ustunligi shubhasiz, ammo yuqorida qayd etilgan raqamlar aslidan biroz kattaroq farqni ko‘rsatayotganini ta’kidlash uchun aytildi.
Bundan tashqari, aynan katta o‘yinlarda «Chelsi» yomon ko‘rinmayapti. «Liverpul» bilan ham, «Arsenal» bilan ham Pochettino shogirdlari ancha munosib o‘yin ko‘rsatishdi, g‘alabaga ko‘proq haqli bo‘ldilar ham. Shundan kelib chiqib, bu o‘yin har qanday ssenariyda davom etishi mumkinligi, hammasi oldindan ma’lum emasligini e’tirof etish kerak.
O‘zaro o‘yinlar borasida ham mehmonlarning yaqqol ustunligi bor, oxirgi o‘n yillikda «Chelsi» uch barobar ko‘proq o‘yinlarni o‘z foydasiga hal qilgan. «Tottenhem» maydonida bo‘lib o‘tgan oxirgi uch o‘yinning ikkitasi ham «Chelsi”ning g‘alabasi bilan yakunlangan.
Yuqoridagi jumlalar asosan «Chelsi»ning foydasiga bo‘lsa-da, shunchaki, tomonlarni tenglashtirish uchun edi, aslida, «Tottenhem» bu mavsum avvalgilarga o‘xshamaydigan darajada kuchli ekanini ta’kidlash lozim. Ayniqsa, o‘rtamiyonalarga qarshi o‘yinlarda jamoa ancha tashabbuskor, hujumkor futbol namoyish etmoqda. Hamma masala ham shunda, «Chelsi» bu safar favoritga qarshi o‘rtamiyona klub sifatida maydonga tushadimi yoki tarixiy ustunlikdan kelib chiqib, birinchi raqamda o‘ynashni tanlaydimi? Albatta, agar birinchi tanlov bo‘lsa, «Chelsi»ning imkoniyatlari pasayib ketishi shubhasiz.
Tarkiblar borasida «Tottenhem»da faqat Udojining holati shubha ostida. To‘g‘ri, Perishich, Solomon, Sessenon kabi futbolchilar ham jamoaga yordam bera olmaydi, lekin aynan asosiy tarkib o‘yinchisi va jamoaga ta’siri yuzasidan italiyalik himoyachining o‘rni bilinsa kerak. «Chelsi»da esa, har hafta eslanadigan uzoq muddatga safdan chiqqan nomlardan tashqari, Mixail Mudrik ham qisqa muddat maydonga tusha olmaydi. Shuningdek, Chilvel, Broyya, Chaloba kabi futbolchilar ham yo‘q, ammo Ris Jyeyms safga qaytdi, iqtidorli futbolchining keyingi faoliyatida jarohatlar kamroq bo‘lishini tilaymiz.
BOShQA O‘YINLAR
4 noyabr. Fulhem – MYu (17:30), Salernitana – NAPOLI (19:00), Xoffenxaym – BAYYeR (19:30), MANCheSTeR SITI – Bornmut (20:00), Milan – Udineze (5 noyabrga o‘tar kechasi, 00:45),
