Kuleba: Ukrainaga xalqaro yordam ko‘lami kamayayotgani yo‘q

Ukraina Rossiya agressiyasiga qarshi kurashda xalqaro yordam zaiflashganini sezmayapti, dedi Ukraina tashqi ishlar vaziri Dmitriy Kuleba 2 noyabr, payshanba kuni. Germaniyaning ZDF ijtimoiy-huquqiy kanalidagi ko‘rsatuvda teleboshlovchi Maybrit Ilner bilan suhbatda u Yaqin Sharqdagi urushga qaramay, «hamkorlarning qo‘llab-quvvatlashi hech qanday tarzda kamayib borayotganini» ko‘rmayotganini aytdi.

Aksincha, Kiyev, Kulebaning so‘zlariga ko‘ra, «barcha darajalarda Ukrainani qo‘llab-quvvatlash davom etishiga kafolat olgan». Hamkorlarda buning uchun imkoniyatlar ham mavjud, dedi vazir. Ukraina Yaqin Sharqdagi vaziyat yanada keskinlashmasligiga umid qilmoqda, garchi «vaziyat o‘zgarishi mumkinligini» tan oladi, dedi u. 

«Bu urush qancha uzoq davom etsa, shunchalik ko‘p resurslar kerak bo‘ladi», deya qo‘shimcha qildi Kuleba Yaqin Sharq haqida gapirar ekan. Biroq, uning fikriga ko‘ra, «asosiy poytaxtlarda nima xavf ostida ekani - Ukraina bo‘yicha ham, Yaqin Sharq bo‘yicha ham juda aniq tushuncha mavjud». Gap faqat dunyoning ushbu mintaqalarida xavfsizlik haqida ketayotgani yo‘q, deya ta’kidladi Ukraina TIV rahbari. 

Kuleba - Taurus raketalarini yetkazib berish haqida 

Ukrainaga Taurus qanotli raketalarini yetkazib berish bo‘yicha muhokama bo‘yicha, Kuleba Germaniyaning bu boradagi qarorni qabul qilishi uchun vaqt kerak bo‘lishiga oid pozitsiyasini tushunishini bildirdi. Uning so‘zlariga ko‘ra, Kiyev buni hurmat qiladi. 

Shu bilan birga, vazir ushbu qanotli raketalarning masofasi haqidagi bahsni ma’nosiz deb atadi. Ukraina Rossiya hududiga yetib borish uchun boshqa qurol tizimlarini chegaraga ko‘chirishi mumkin. «Demak, gap bu haqda emas. Butun munozara ishonch masalasiga aloqador», - dedi Kuleba Ukraina hukumati Rossiya hududida Taurus raketalarini ishlatmaslikka va’da berganini ta’kidlab. «Biz bergan va’damizda turamiz», dedi u.