O‘zbekiston madaniyat vaziriga ikki nafar birinchi o‘rinbosar va o‘rinbosar tayinlandi.
Vazirlik matbuot xizmatiga ko‘ra, O‘zbekiston prezidentining 2023 yil 27 sentabrdagi qaroriga muvofiq Bahodir Ahmedov madaniyat vazirining birinchi o‘rinbosari lavozimiga tayinlandi. U mazkur tayinlovga qadar madaniyat vazirining o‘rinbosari lavozimida faoliyat yuritib kelgan.
O‘zbekiston prezidentining 2023 yil 30 oktyabrdagi qaroriga asosan Avaz Tojixonov madaniyat vazirining birinchi o‘rinbosari lavozimiga tayinlandi. U tayinlovga qadar Adliya vazirligi «Konvension markaz majmuasi direksiyasi» DUK direktori lavozimida ishlagan.
O‘zbekiston prezidentining 2023 yil 27 sentabrdagi qaroriga muvofiq Yusuf Usmonov madaniyat vazirining o‘rinbosari lavozimiga tayinlandi. U mazkur tayinlovga qadar Hisob palatasining Iqtisodiyot, davlat investitsiya dasturlari va jamoat tashkilotlarini davlat tomonidan qo‘llab-quvvatlash xarajatlarini audit qilish shu’basi bosh inspektori bo‘lgan.
