Namangan viloyatida huquqni muhofaza qiluvchi idoralar o‘tkazgan tezkor-profilaktik tadbirlarda tergov va sud organlaridan yashirinib yurgan 35 nafar shaxs ushlangan.
Namangan viloyati hududida ham jinoyatchilikka chek qo‘yish, huquqbuzarliklarning oldini olish va kriminogen vaziyatni barqarorlashtirish maqsadida ichki ishlar organlari va huquqni muhofaza qiluvchi idoralar hamkorligida tezkor-profilaktik tadbirlar o‘tkazilmoqda.
Xususan, o‘tkazilgan tezkor-qidiruv tadbirlari davomida 20 ta holatda ko‘p miqdordagi giyohvandlik moddalari, 7 ta holatda 4.615 dona psixotrop dori vositalarini saqlash va o‘tkazish holatlari, 13 dona noqonuniy qurol hamda 190 dona o‘q-dorilarni saqlash holatlari, 61.000 donadan oshiq turli xil pirotexnika vositalarini qonunga xilof ravishda muomalaga kiritilishiga chek qo‘yildi.
Shuningdek, tergov va sud organlaridan yashirinib yurgan 35 nafar shaxslar ushlangan.
Bundan tashqari, jinoyatchilik va huquqbuzarliklarni barvaqt oldini olish maqsadida maxsus tezkor tadbirlar o‘tkazilmoqda.
Viloyat IIB aholidan o‘tkazilayotgan tezkor-profilaktik tadbirlar davomida xavfsizlik qoidalariga rioya etishni va xavotirga berilmaslikni so‘radi.
So‘nggi vaqtda faollashib qolgani aytilayotgan jinoiy guruhlarga nisbatan reydlar bo‘lmoqda. Xususan, oxirgi bir necha kun ichida O‘zbekistonda jinoyat olamining o‘nlab vakillari qo‘lga olinib, ular ustidan tergov harakatlari boshlandi.
