O‘zbekistonda bolalar uchun milliy animatsion filmlar ishlanadi

«Dunyo» xabariga ko‘ra, nashrlarda O‘zbekistonda so‘nggi yillarda ma’naviy-ma’rifiy sohalarda katta ishlar amalga oshirilganligi ta’kidlangan.

«Televideniyeda praym-taym vaqtida ko‘proq xorijiy seriallar namoyish etilmoqda, - dedi O‘zbekiston prezidenti. Davlat rahbari mahalliy ijodkorlarni qo‘llab-quvvatlashni taklif qildi va milliy seriallarni suratga olish konsepsiyasini ishlab chiqish bo‘yicha topshiriq berdi», - deyiladi maqolalarda.

Ukraina elektron nashrlari ma’lum qilganidek, prezident milliy seriallarni qiziqarli bo‘lishi uchun g‘oyaviy-badiiy va texnik jozibadorlik darajasiga olib chiqish, bunda mahalliy ijodkorlarga zamonaviy sharoitlar yaratishga alohida e’tibor qaratish zarurligini ta’kidladi.

«Kinoni iqtisodiyot bilan uyg‘un rivojlantirish maqsadida Buxoro, Samarqand va Toshkent viloyatlarida «erkin iqtisodiy kinohududlar» barpo etish vazifasi qo‘yildi. Shuningdek, IT-park kabi erkin iqtisodiy zona – Cinema park tashkil qilish tashabbusi ilgari surildi», - deb qayd etilgan manbalarda.

O‘zbekiston rahbari, shuningdek, bolalar uchun o‘zbek xalqining buyuk ajdodlari ibratli hayot yo‘li haqida ko‘p qismli animatsion filmlar yaratish zarurligini aytib o‘tdi.